धडगाव तालुक्यातून दोन अल्पवयीन युवतींना पळविले

नंदूरबार l प्रतिनिधी

धडगाव तालुक्यातून दोन अल्पवयींना पळवुन नेल्याची घटना घडली आहे. याप्रकरणी पोलिस ठाण्यात वेगवेगळे दोन गुन्हे दाखल करण्यात आले आहेत.

धडगाव तालुक्यातील तेलखेडी येथील एका अल्पवयीन युवतीला पळवुन नेण्यात आले आहे. जयसिंग ऊर्फ पिंटु बोडख्या पावरा याने काहीतरी फुस लावुन सदर युवतीस पळविले आहे. याबाबत युवतीच्या आईने धडगाव पोलिस ठाण्यात फिर्याद दिली असून जयसिंग ऊर्फ पिंटु बोडख्या पावरा याच्याविरुध्द भादंवि कलम 363 प्रमाणे गुन्हा दाखल करण्यात आला आहे. तपास पोसई.प्रविण महाले करीत आहेत.

तसेच धडगाव तालुक्यातील खर्डाचा आंबाबरीपाडा येथील एका अल्पवयीन युवतीला महेंद्र खोमा वसावे याने पळवुन नेले आहे. याबाबत युवतीच्या मामाने धडगाव पोलिस ठाण्यात फिर्याद दिली आहे. त्यानुसार महेंद्र खेमा वसावे (रा.बिजरी) याच्याविरुध्द भादंवि कलम 363 प्रमाणे गुन्हा दाखल करण्यात आला आहे. तपास हेकॉ.स्वप्निल गोसावी करीत आहेत.