नंदुरबार l
शहरातील आरटीओ कार्यालयाजवळ बोलण्यात गुंतवून गळ्यातील १६ हजार रुपये किंमतीचे मंगळसूत्र घेवून पळून जात महिलेची फसवणूक केल्याप्रकरणी अज्ञाताविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार येथील टोकर तलाव येथील सुनंदा नाना पवार या महिलेस आरटीओ कार्यालयाजवळ एका ४५ ते ५० वर्षीय इसमाने बोलण्यात गुंतवून १६ हजार रुपये किंमतीचे ४ ग्रॅम वजनाचे ओम पदक व सोन्याचे मणी असलेले मंगळसूत्र इसमात काढून दिले. त्यानंतर तो इसम दुचाकीने निघून गेला.
याबाबत सुनंदा पवार यांची फसवणूक झाल्याचे लक्षात आल्याने नंदुरबार शहर पोलिस ठाण्यात इसमाविरोधात भादंवि कलम ४२० प्रमाणे गुन्हा दाखल करण्यात आलाआहे. पुढील तपास सहाय्यक पोलिस निरीक्षक विकास गुंजाळ करीत आहेत.
