नंदुरबार l
‘भाजपाचे प्रदेशाध्यक्ष संघटनात्मक दौऱ्याचे राज्यस्तरीय सहप्रमुख’ पदाची आणखी एक नवी जबाबदारी भारतीय जनता पार्टीचे जिल्हा अध्यक्ष विजय चौधरी यांना सोपविण्यात आली आहे यामुळे त्यांच्या शिरावर आणखी एक मानाचा तुरा खोवला गेला असून जिल्ह्यातील सर्व कार्यकर्त्यांकडून तसेच भाजपा-प्रेमींकडून आनंद व्यक्त केला जात आहे.
विजय चौधरी हे विद्यमान स्थितीत भाजपाचे जिल्हाध्यक्ष आहेत त्याबरोबरच त्यांना भाजपातील राष्ट्रीय नेता दौऱ्याचे सह नियोजन प्रमुख पदसोपविण्यात आले आहे. त्या पाठोपाठ आता हे पद सोपविण्यात आले. ओबीसी मोर्चा चे महाराष्ट्र प्रदेशाध्यक्ष असताना विजय चौधरी यांनी केलेली संघटनात्मक कामगिरी तसेच भाजपाचे जिल्हाध्यक्ष म्हणून केलेले संघटनात्मक कार्य लक्षात घेऊन पक्षाने त्यांना ही जबाबदारी सोपविली आहे. भारतीय जनता पार्टीचे प्रदेशाध्यक्ष चंद्रशेखर बावनकुळे यांनी स्वतः ही नवी जबाबदारी विजय चौधरी यांना सोपविले तसेच त्याचे पत्र प्रदान केले.
भारतीय जनता पार्टीचे प्रदेश अध्यक्ष चंद्रशेखर बावनकुळे यांनी दिलेल्या नियुक्ती पत्रात म्हटले आहे की, भारतीय जनता पार्टी, महाराष्ट्र “प्रदेश अध्यक्ष संघटनात्मक दौरा सहप्रमुख” पदी आपली नियुक्ती करीत आहे.आपण अनेक वर्षे पक्षाच्या विविध जबाबदा-या घेऊन पक्ष संघटना वाढीसाठी कार्यरत आहात. आपण गत काळातील महाराष्ट्रभर केलेल्या संघटनात्मक प्रवासाचा अनुभव ही जबाबदारी यशस्वीरित्या पार पाडण्यासाठी निश्चितपणे उपयुक्त ठरेल, असा मला विश्वास आहे., असे म्हणून आगामी वाटचालीस मनःपूर्वक शुभेच्छा असल्याचे देखील म्हटले आहे.
