नंदुरबार l प्रतिनिधी
येथील वे. खा. भगिनी सेवा मंडळ धुळे संचलित कमला नेहरू कन्या कनिष्ठ महाविद्यालय लोकमान्य बाळ गंगाधर टिळक पुण्यतिथी व लोकशाहीर अण्णाभाऊ साठे जयंती निमित्ताने कार्यक्रम घेण्यात आला.
कार्यक्रमाच्या अध्यक्षस्थानी महाविद्यालयाचे उपप्राचार्य बी.सी.पवार उपस्थित होते. कार्यक्रमाची प्रस्तावना व सूत्रसंचलन प्रा. डी.बी.पाटील यांनी केली. यावेळी कार्यक्रमाचा सुरवातीला लोकमान्य बाळ गंगाधर टिळक व लोकशाहीर अण्णाभाऊ साठे यांच्या प्रतिमेस पुष्पहार अर्पण करण्यात आले व मनोगत व्यक्त करण्यात आले.
दरम्यान नारकोटीक कंट्रोल ब्युरो, गृह मंत्रालय भारत सरकार यांची अमली पदार्थ विषयक व्यसनांना आळा घालण्यासंदर्भात सर्व घटकांमध्ये जागरूकता निर्माण करण्यासाठी सुरू असलेल्या E-Pledge अभियान नुसार सर्व कनिष्ठ महाविद्यालयीन विद्यार्थिनींची प्रतिज्ञा घेण्यात आली. या वेळी कनिष्ठ महाविद्यालयातील विद्यार्थिनींनी व कनिष्ठ महाविद्यालयातील सर्व शिक्षक शिक्षकेतर कर्मचारी बंधू भगिनी उपस्थित होते.