नंदुरबार l प्रतिनिधी
अक्कलकुवा तालुक्यातील भांग्रापाणी ते जामली रस्त्यावर पिकअपने दुचाकीला धडक दिल्याने २० वर्षीय तरुण ठार झाल्याची घटना घडली. याप्रकरणी पिकअप चालकाविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, अक्कलकुवा तालुक्यातील भांग्रापाणी येथील अनिल दिलवरसिंग वसावे हा तरुण दुचाकीने (क्र.जी.जे.०५ एफजे ७९०४) किराणा सामान घेवून भांग्रापाणी ते जामली रस्त्याने घरी परत जात होता. यावेळी राज्या उतऱ्या राऊत (रा.बर्डी ता.अक्कलकुवा) याने
त्याच्या ताब्यातील पिकअप वाहन (क्र.एम.एच.४३ एडी ७८८०) रस्त्याच्या परिस्थितीकडे दुर्लक्ष करुन जामली रस्त्यावरील शासकीय आश्रमशाळेजवळ दुचाकीला धडक दिल्याने अपघात घडला. घडलेल्या अपघातात अनिल वसावे हा तरुण गंभीर जखमी झाल्याने त्याचा मृत्यू झाला.
याबाबत रविंद्र दिलवरसिंग वसावे यांच्या फिर्यादीवरुन मोलगी पोलिस ठाण्यात राज्या राऊत याच्याविरोधात भादंवि कलम ३०४ (अ), २७९, ३३४, ३३८, मोटार वाहन कायदा कलम १८४ प्रमाणे गुन्हा दाखल करण्यात आला आहे. पुढील तपास पोहेकॉ.दीपक बुनकर करीत आहेत.