नंदूरबार l प्रतिनिधी
शहादा तालुक्यातील मानमोड्या बीटात रात्रीच्या वेळी वनजमीनीवर नांगरटी करतांना वनविभागाने ४ जणांना अटक केली असून 7 लाखाचा मुद्देमाल जप्त करण्यात आला आहे.न्यायालयात हजर केले असता त्यांना न्यायालयीन कस्टडीत ठेवण्याचे आदेश देण्यात आले आहे.
याबाबत अधिक माहिती अशी की, ३० जून रोजी वनक्षेत्र शहादा मधिल मानमोड्या बीटातील कक्ष क्र. ६०२ मधे रात्री १ वाजेचा दरम्यान मलगाव व मध्य प्रदेश येथील ४ संशयित आरोपी टॅक्टर व टिलरच्या साह्याने वनजमीनीवर नांगरटी करतांना शहादा वनक्षेत्रातील वनअधिकारी यांनी
विलास आपसिंग पाडवी, कैलास फत्तेसिंग पटले, खेलसिंग मालसिंग भामरे सर्व रा . मलगाव ता . शहादा, जगन भावसिंग पटले ह.मु. मलगाव ता . शहादा जि . नंदुरबार ह.मु. बरबडा ता . पानसेमल जि . बडवाणी ( म.प्र . ) यांना रंगेहात पकडले.
सदर कार्यवाहीत सुमारे ७ लाखाचा मुद्देमाल जप्त करण्यात आला आहे. आरोपींना शहादा येथील प्रथम वर्ग न्यायदंडाधिकारी यांच्या समोर हजर करता त्यांना न्यायालयीन कस्टडीत ठेवण्याचे आदेश देऊन संशयित आरोपींची नंदुरबार सेंट्रल जेल मध्ये रवानगी करण्यात आली.
सदर कार्यवाही ही वनपाल दिपक जमदाळे, भगतसिंग राजपूत , प्रियंका बिरारे , वनरक्षक गंगोत्री गवळे , प्रकाश सोनार , बादशाह पिंजारी , अनिल तावडे , जितेंद्र पवार ,संतोष चव्हाण , इलान गावित , गुलाब पावरा , वर्षा निकम , सुभाष मुकाडे , दिपक पाटिल , रेखा खैरनार वाहनचालक नईम मिर्झा यांच्या पथकाने केली. या कार्यवाहीत उपवनसंरक्षक कृष्णा भवर ,सहा वनसंरक्षक एस डी साळुंखे ,वनक्षेत्रपाल आशुतोष मेढे यांच्या
मार्गदर्शनाखाली करण्यात आली .
