नंदूरबार l प्रतिनिधी
धडगाव तालुक्यातील राजबडीॅ गृप ग्रामपंचायत येथील प्रधानमंत्री आवास योजना ‘ड’ यादी बाबत अखेर तिढा सुटला आहे.
धडगाव तालुक्यातील गृप ग्रामपंचायत राजबडीॅ येथे प्रधान मंत्री आवास योजना ‘ड’ यादी बाबत
विषेश ग्रामसभेचे आयोजन धडगाव पंचायत समितीचे कृषी विस्तार अधिकारी, प्रशासक सी. डी. राठोड अध्यक्षतेखाली अनुदानित आश्रम शाळा राजबडी येथे झाली.
यावेळी सभेत 1 ते 10 महसुली गावातील नागरीक मोठ्या संख्येने उपस्थित होते . सदर ग्रामसभेत राजबडीॅ गटाचे जिल्हा परिषद सदस्य जान्या फुलजी पाडवी , माजी ग्रामपंचायत सरपंच मानसिंग पितांबर वळवी, माधव फेरेंग्या पावरा , मेरसिंग पालसिंग पावरा ,रविंद्र ढोबा पावरा , फेंदा जंगल्या पावरा , पिंट्या ठुमला पावरा यांच्यासह ग्रामस्थ हजर होते.
यावेळी ग्राम विकास अधिकारी अतिष चव्हाण यांनी या पूर्वी 11 एप्रिल 2022 रोजी झालेल्या सभेतील सर्व नावांचे वाचन केले. त्या दिवशी सभेत लाभार्थी निवड करण्याबाबत एक मत झाले नव्हते.
तसेच सदर यादी स्थगित करण्यात आली होती. त्या नंतर जिल्हा परिषद नंदुरबार तसेच वरीष्ठ कार्यालय येथे सुटलेल्या लाभार्थी संदर्भात तक्रार करन्यात आली होती. त्यानंतर पंचायत समिती धडगाव येथून समिती गठीत करून समितीने गावात या पूर्वी लाभ मिळालेल्या लाभार्थी यानां या यादी मधुन 190 लाभार्थी यांना अपात्र केले,
असुन राहिलेले 1 हजार 161 लाभार्थी यांना पात्र केले आहे. सचिव अधिकारी यांनी सदर 190 लाभार्थी यांचे नावे ग्रामसभेत वाचन केले. यावेळी पात्र व अपात्रबाबत सभेत विषय ठेवला. यावेळी सर्व हजर सभासद यानी हातवर करुन या ठरावाला एकमुखाने मंजुरी दिली.त्यानंतर सभा अध्यक्ष यांच्या परवानगी ने सभा संपली असे जाहीर केले.