नंदूरबार l प्रतिनिधी
समता युवा मंच तथा डॉ बाबासाहेब आंबेडकर जयंती उत्सव समिती कोरीट नाका परिसराची वार्षिक बैठक नुकतीच महात्मा फुले विद्यालयाच्या प्रांगणात आरपीआय आठवले पक्षाचे नंदुरबार जिल्हा सरचिटणीस राम साळुंके यांच्या अध्यक्षतेखाली व आरपीआय आठवले पक्षाचे युवक जिल्हाध्यक्ष सुभाष पानपाटील यांच्या प्रमुख उपस्थितीत नुकतीच पार पडली.
सदर बैठकीत विविध सामाजिक विषयांवर चर्चा करण्यात आली. चक्रवर्ती सम्राट अशोक, राष्ट्रपिता महात्मा ज्योतीबा फुले, विश्ववंदनीय डॉक्टर बाबासाहेब आंबेडकर यांच्या संयुक्त जयंती उत्सव समितीची कार्यकारिणी सर्वानुमते गठित करण्यात आली.समितीच्या अध्यक्षपदी किसन खांडेकर, उपाध्यक्षपदी सचिन पिंपळे, सचिवपदी सुलतान पिंजारी, कोषाध्यक्षपदी हर्षदबोध बैसाणे यांची निवड करण्यात आली. कार्यक्रमाची रूपरेषा पुढील प्रमाणे विश्ववंदनीय डॉ. बाबासाहेब आंबेडकर यांच्या जयंतीच्या पूर्वसंध्येला नेहरू चौक येथून दिनांक 13 एप्रिल 2022 रोजी सायंकाळी 6 वाजता सर्वसमावेशक मोटर सायकल रॅली, दि. 14 एप्रिल 2022 रोजी कोरीट नाका परिसर येथे सकाळी 11 वाजता प्रतिमापूजन, इंदिरा मंगल कार्यालय येथे दि.17 एप्रिल 2022 रोजी महिला स्नेह मेळावा, दि. 28 एप्रिल 2022 रोजी कोरीट नाका परिसर येथे वुई द पीपल संगीतमय महानाट्य तथा समता रत्न व समता भूषण पुरस्कार सोहळ्याचे आयोजन
सदर बैठकीस आरपीआय आठवले पक्षाचे युवक जिल्हा उपाध्यक्ष प्रवीण वाघ, ॲड. प्रेमानंद इंद्रजीत, राहुल रामराजे, रणवीर पेंढारकर, सुलतान पिंजारी,किसन होलार,विठ्ठल जाधव, रत्नाकर पाटील, भरत शिंदे, भाऊराव बिरारे, सचिन पिंपळे, संतोष शिरसाठ, हर्षदबौध बैसाने गणेश शिरसाट, ललित सूर्यवंशी, अशोक खांडेकर, भैय्या बाविस्कर गणेश पवार, मिलिंद पानपाटील, गौतम पानपाटील, सिद्धार्थ साळुंके, सौरव साळुंके, जितेंद्र पानपाटील नितीन जावरे मितुल श्रॉफ, अजित कुलकर्णी, युसुफ पिंजारी, रहिम पिंजारी, आशिष रामराजे आदींसह असंख्य कार्यकर्ते उपस्थित होते.