नंदुरबार ! प्रतिनिधी
नंदुरबार तालुक्यातील विखरण येथील देवरे विद्यालयाची विद्यार्थीनी पुनम नरेंद्र साळुंखे हिने दहावीच्या परीक्षेत घवघवीत यश संपादन करीत शाळेत 92.60 टक्के मिळवित प्रथम क्रमांकाने उत्तीर्ण झाली आहे. तिच्या यशाबद्दल सर्वत्र कौतूक करण्यात येत आहे.
प्रथम क्रमांकाने उत्तीर्ण झाल्याने पुनम साळुंखे या विद्यार्थीनीचा शाळेतर्फे पुष्पगुच्छ देवून गौरव करण्यात आला. यावेळी मुख्याध्यापक डी.डी.साळुंखे, शिक्षक धर्मेंद्र गोसावी, बागुल, मंगेश नेरकर, विजय अहिरे, कर्मचारी सुनिल पाटील यांनी घरी येवून विद्यार्थीनीचा सत्कार केला. यावेळी पालक नरेंद्र साळुंके, विद्या साळुंके व पुष्कर साळुंके उपस्थित होते. विखरणसारख्या ग्रामीण भागात या विद्यार्थीनीने अभ्यासावर लक्ष केंद्रीत करून ध्येय गाठले. कोरोनासारख्या महामारीच्या पार्श्वभूमीवर स्वःतसह कुटूंबाची काळजी घेवून ऑनलाईन अभ्यासाला प्राधान्य देत हे यश मिळविले आहे. या यशाबद्दल तिचे सर्व स्तरातून अभिनंदन करण्यात येत आहे.
