नंदूरबार l प्रतिनिधी –
तळोदा तालुक्यातील चौगाव , रापापूर शिवारात अज्ञात व्यक्तीने गळा दाबुन दोजापाणी येथील १८ वर्षीय युवकाचा खून केल्याची घटना घडली. युवकाचा खून झाल्याचे शवविच्छेदनाच्या अहवालातुन उघडकीस आले आहे . याप्रकरणी अनोळखीविरुध्द तळोदा पोलीस ठाण्यात गुन्हा दाखल करण्यात आला आहे .
याबाबत पोलीस सूत्रांनी दिलेल्या माहितीनुसार, तळोदा तालुक्यातील रेवानगर गावाच्या पुढे चौगांव शिवार व रापापूर रस्त्याच्या बाजुला शेतामध्ये विपुल टेट्या पावरा ( वय १८ ) रा.दोजापाणी, ता.तळोदा या युवकाचा दि . २२ व २३ डिसेंबर दरम्यान मृतदेह आढळुन आला होता . तळोदा पोलीस ठाण्यात अकस्मात मृत्यूची नोंद होवुन मयत युवकावर शवविच्छेदन तळोदा उपजिल्हा रुग्णालयात करण्यात आला . या शवविच्छेदनाच्या प्राथमिक अहवालात गळा दाबल्याने युवकाचा मृत्यू झाल्याचे समोर आल्याने विपुल टेट्या पावरा या युवकाचा अनोळखी व्यक्तीने अनोळखी कारणासाठी गळा दाबुन खून केला आहे . याबाबत टेट्या वनकर पावरा रा.रा.दोजापाणी, ता.तळोदा यांच्या फिर्यादीवरून तळोदा पोलीस ठाण्यात अज्ञाताविरुध्द भादंवि कलम ३०२ प्रमाणे गुन्हा दाखल करण्यात आला आहे . याप्रकरणी पुढील तपास सहाय्यक पोलीस निरीक्षक अमितकुमार बागुल हे करीत आहेत .
