नंदुरबार | प्रतिनिधी-
नंदुरबार तालुक्यातील मोठे उमज येथे लग्नाच्या हळदीच्या कार्यक्रमात नाचतांना धक्का लागल्याच्या कारणावरून जमावाच्या मारहाणीत २५ वर्षीय युवकाचा मृत्य झाल्याची घटना घडली आहे.याबाबत उपनगर पोलीस ठाण्यात सहा जणांविरूध्द गुन्हा दाखल करण्यात आला आहे.
याबाबत पोलीस सुत्रांनी दिलेल्या माहितीनुसार, नंदुरबार तालुक्यातील मोठे उमज गावात सचिन यशवंत वळवी यांच्या घरासमोर अंगणात टाकलेल्या मडंपात लग्नाच्या हळदीचा कार्यक्रम दि . २८ रोजी रात्री होता . यावेळी लग्न मंडपात नाचतांना धक्का लागल्याच्या कारणावरुन वाद झाल्याने मायकल राजु वळवी , अंगत उर्फ हंगाऱ्या कृष्णा वळवी , राज मंगलसिंग वळवी , चंद्रसिंग गोपीचंद गावीत , फुलसिंग कांतीलाल गावीत ,विधीसंघर्ष बालक या सहा जणांनी इझाक उर्फ मुंडा मजनू वळवी ( वय २५ ) रा.मोठे उमज, ता.नंदूरबार या युवकाला हाताबुक्क्यांनी छातीवर , पोटात व लाथांनी पाठीवर जबर मारहाण केली . तसेच त्याच्या अंगावर कुदुन बसत मारहाण केल्याने इझाक उर्फ मुंडा मजनु वळवी या युवकास जिवेठार केले . ही घटना दि २ ९ डिसेंबरच्या रात्री २.१५ वाजेदरम्यान घडली . याबाबत योसेफ मजनु वळवी यांनी नंदुरबार उपनगर पोलीस ठाण्यात फिर्याद दिली आहे . त्यानुसार मायकल राजु वळवी , अंगत उर्फ हंगाऱ्या कृष्णा वळवी , राज मंगलसिंग वळवी , चंद्रसिंग गोपीचंद गावीत , फुलसिंग कांतीलाल गावीत , शितीज रोशन वळवी या सहा जणांविरुध्द भादंवि कलम ३०२ , १४३ , १४७ , १४ ९ , ३२३ , ५०४ , ५०६ प्रमाणे गुन्हा दाखल करण्यात आला आहे . तपास पोलीस उपनिरीक्षक प्रशांत राठोड करीत आहेत .
