नंदुरबार l प्रतिनिधी
सुमारे पाच लाख मधून एखाद्याला होणारा गॅस गॅंग्रीन आजारावर यशस्वी शस्त्रक्रिया धुळे येथील हिरे वैद्यकीय महाविद्यालयात करण्यात आली. त्यातून 14 वर्षाच्या मुलीला जीवदान मिळाले. पाच डॉक्टरांच्या पथकाने ही शस्त्रक्रिया यशस्वी केली.
नंदुरबार येथील रेल्वे पोलीस असलेले प्रकाश गोसावी यांची भाची भाग्यश्री संजय गोसावी ( वय १४ वर्ष) हिला किरकोळ आजार झाला. ती तऱ्हाडी येथे राहते. तिचे वडील संजय गोसावी शेतकरी तर आई योगिता ही गृहिणी आहे. भाग्यश्रीला गावातील डॉकटरांकडे इंजेक्शन देण्यात आले. त्यानंतर दुसऱ्या दिवशी तिला बरे वाटेल लागले मात्र ज्या ठिकाणी इंजेक्शन दिले तेथे एक गाठ तयार झाली.
ती गाठ वेदनादायी होती म्हणून तिला शिरपूर येथील खाजगी रुग्णालयात नेण्यात आले. तेथे डॉक्टरांनी तत्काळ धुळे येथे नेण्यास सांगितले. पालकांनी भाग्यश्रीला धुळे येथील छत्रपती या खाजगी रुग्णालयात नेले. तेथील यंत्रणेने भाग्यश्रीच्या तपासण्या केल्या.
गॅस गॅंग्रीन
भाग्यश्री च्या तपासणीमध्ये तिला गॅस गॅंग्रीन हा आजार झाल्याचे निदर्शनास आले. हा आजार पाच-दहा वर्षातून, आणि पाच लाखातून एखाद्याला होतो.
उपचाराबाबत हतबलता
तिच्यावर उपचार करणाऱ्या डॉक्टरांनी भाग्यश्रीवर शस्त्रक्रिया करण्यास नकार दिला. जर ही शस्त्रक्रिया ऑपरेशन थिएटर मध्ये केली तर ते ऑपरेशन थेटर आगामी दहा दिवस पर्यंत वापरता येत नाही तसेच आवश्यकता भासल्यास दवाखानाही बंद ठेवावा लावू शकतो, असे छत्रपती रुग्णालयातील डॉक्टरांनी सांगितले.
जिल्हा रुग्णालय
भाग्यश्रीला तिच्या पालकांनी जिल्हा रुग्णालयात नेले. जिल्हा रुग्णालयातील डॉक्टर हिरे वैद्यकीय महाविद्यालयात तिच्यावर उपचार करण्यात आले. शस्त्रक्रिया विभागाचे प्रमुख प्रा. डॉ. परवेज मुजावर, सहयोगी प्रा. डॉ.अजय सुभेदार, सहाय्यक प्रा. डॉ. अविनाश पावरा, प्लास्टिक सर्जरीसाठी सहाय्यक प्रा. डॉ. कल्पेश वोरा यांच्या पथकाने तिच्यावर वेगवेगळ्या प्रकारे सात शस्त्रक्रिया केल्या. सुमारे दोन महिने तिच्यावर उपचार करण्यात आले. आज सायंकाळी तिला डॉक्टरांनी घरी जाण्याचा सल्ला दिला.
खर्च कमी
या सगळ्या उपचारासाठी भाग्यश्रीच्या पालकांना 70 हजार रुपयांचा खर्च आला. जर सर्व शस्त्रक्रिया आणि उपचार खाजगी रुग्णालयात केले असते तर हा खर्च सुमारे सात लाख रुपये झाला असता. तिची प्रकृती चांगली आहे.
गॅस गँगरीन आजार हा दुर्धर व घातक असतो.
माझ्या पूर्ण टीम ने आतोनात मेहनत घेऊन आधुनिक पद्धतीने “VAC” ड्रेसींग ने जखम लवकर बरी करून भाग्यश्री गोसावी या रुग्णास पुन्हा तीच्या पायावर उभे केले.याची पूनराव्रृत्ती परत न होणेसाठी ग्रामीण भागातील डॉक्टरांनी कुठलेही इंजेक्शन (Intramuscular) देतांना Aseptic precaution घेणे व नवीन निर्जंतुक सिरींज निडल वापरणे नितांत गरजेचे आहे.
डॉ.परवेज मुजावर
प्रा.व विभागप्रमुख ,शल्यचिकित्सा शास्त्र
सर्वोपचार रूग्णालय धुळे.
