नंदुरबार l प्रतिनिधी
नंदुरबार शहरात सलग तिसऱ्या दिवशी आयकर विभागाच्या पथकाने व्यापारी प्रतिष्ठान आणि निवासस्थानची तपासणी केली. तसेच व्यापारी प्रतिष्ठाने यांचे वैयक्तिक बँकेमध्ये असलेले लॉकर सुविधा त्यामध्ये असलेले कागदपत्र तथा अन्य बाबींची पडताळणी देखील केली.यासाठी संबंधित दोन बँकेमध्ये हे पथक सुमारे तीन ते चार तास तळ ठोकून बसून होते.
नंदूरबार शहरातील सलग तिसऱ्या दिवशी आयकर विभागाची तपासणी सुरू आहे.आज सकाळपासून संबंधित घरांमध्ये तपासणी करण्यात आली.यात नंदुरबार शहरातील नळवे रस्त्यावर असलेल्या तसेच खोडाईमाता परिसरातील व्यापारी निवासस्थानाची दिवसभरामध्ये तपासणी करण्यात आली.सलग तिसऱ्या दिवशी बेंगलोर, चंदिगड हरियाणा, पंजाब, महाराष्ट्र आदी भागातून आलेले सुमारे दीडशेहून अधिक जणांचे पथक ही तपासणी करत आहे.यासाठी रात्रभर संबंधित घराच्या बाहेर पोलिसांचा जागता पहारा असून दिवसभर संबंधित अधिकारी कर्मचारी त्या घरांमध्ये जाऊन कागदपत्रांची पडताळणी करत आहेत.आणि संगणकांमध्ये असलेल्या विविध नोंदींची देखील पडताळणी करण्यात येत असून तेथे आढळलेल्या विविध फाइल्स, विविध कॉम्पुटर, लॅपटॉप यातील व्यवहाराची पडताळणी संबंधितांकडून करून घेण्यात येत आहे आज दिवसभर ही तपासणी सुरू होती. विविध राज्यात छापेमारी करीत अब्जावधी रुपयांची बेहिशोबी मालमत्ता हुडकून काढणे चालू ठेवले आहे . मागील दोन महिन्यात अवैध व्यवहार , बेकायदेशीर खरेदी – विक्री , बनावट कर्ज प्रकरणे , बनावट कागदपत्रांच्या आधारे केलेल्या विवध ट्रस्टच्या माध्यमातून घोटाळे याच्याशी संबंधित व्यवहार उघड केले जात आहेत .
