राजस्थान येथे लग्नाला जाणाऱ्या वऱ्हाडाच्या गाडीला अपघात युवकाचा मृत्यू

नंदुरबार l प्रतिनिधी –
नंदूरबार येथून राजस्थान मधील भीलवाडा जिल्ह्यातील बिडोलीया येथे लग्नाला जाणाऱ्या वऱ्हाडाच्या गाडीला अपघात झाला असून , त्यात नंदुरबार शहरातील ‘ झुथालाल अमरचंद जैन परिवारातील १८ वर्षीय युवक ठार झाल्याची घटना घडली आहे
याबाबत मिळालेल्या माहितीनुसार , नंदुरबार शहरातील प्रसिद्ध किराणा व्यापारी झुथालाल अमरचंद जैन परिवारातील संजय जैन यांच्या भाच्याचे लग्न राजस्थान मधील भीलवाडा जिल्ह्यातील बिडोलीया येथे 7 डिसेंबर रोजी आयोजन करण्यात आले होते . नंदुरबार येथून जैन कुटुंबीय लग्नासाठी रवाना झाले . काल रात्री मध्यरात्रीच्या सुमारास 1 ते 2 वाजे दरम्यान रतलामजवळ गाडीला अपघात झाला . या अपघातात दर्शन संजय जैन ( वय 18 वर्ष ) ठार झाला .घटना कळताच जैन समजावर शोककळा पसरली.