तळोदा | प्रतिनिधी
आदिवासी समाजाच्या सर्वांगीण प्रगतीसाठी आत्मसन्मानासाठी अस्तित्व, अस्मिता व संरक्षणासाठी आणि शिस्त, शिक्षण, संस्कृती, संवर्धनासाठी वैचारिक आदिवासी समाजाची गरज लक्षात घेऊन बिरसा फायटर्स संघटनेची निर्मिती झाली आहे.
दि.२५ नोव्हेंबर रोजी बिरसा फायटर्स संघटनेचे संस्थापक राष्ट्रीय अध्यक्ष सुशीलकुमार पावरा व राज्य महासचिव राजेंद्र पाडवी यांच्या अध्यक्षतेखाली झूम मिटींग आयोजित करण्यात आली होती. यावेळी बिरसा फायटर्स संघटनेच्या नंदुरबार जिल्हा अध्यक्षपदी भरत पावरा यांची निवड करण्यात आली. याआधी भरत पावरा हे नंदुरबार जिल्हा कार्याध्यक्ष होते. त्यांनी केलेल्या विविध सामाजिक कार्यामुळे त्यांची बिरसा फायटर्स संघटनेच्या नंदुरबार जिल्हा अध्यक्षपदी निवड करण्यात आली. त्यांच्या निवडीबद्दल परिसरातून अभिनंदन करण्यात येत आहे.
