नंदुरबार l प्रतिनिधी
घर बांधण्याच्या कारणातून वृध्दाला मारहाण केल्याची घटना डाबचा मौलीपाडा येथे घडली. याप्रकरणी तीन जणांविरूध्द गुन्हा दाखल करण्यात आला आहे.
अक्कलकुवा तालुक्यातील डाबचा मौलीपाडा येथील नसकिल्या राहया वसावे (७०) या वृध्दाला मारहाण करण्यात आली. घर बांधण्याच्या कारणातून संशयीत तिघांनी हाताबुक्यांसह काठीने मारहाण करन नसकिल्या वसावे यांना जखमी केले. याबाबत त्यांनी मोलगी पोलीस ठाण्यात फिर्याद दिली आहे. त्यानुसार जुनीष पोहल्या वसावे, निश कालुसिंग तडवी, कालुसिंग होन्या पाडवी या तिघांविरूध्द भादंवि कलम ३२४, ३२३, ५०४, ५०६, ३४ प्रमाणे गुन्हा दाखल करण्यात आला आहे. पुढील तपास पोना चेतन साळवे करीत आहेत.
