नंदुरबार l प्रतिनिधी-
नंदुरबार तालुक्यातील ठाणेपाडा येथे एक दिवसीय राम नाम जप यज्ञ भागवत साकार्तनाचे महादेव मंदिरात आयोजन करण्यात आले होते. राम नाम जप यज्ञाचे हे ३७ वे वर्षे आहे.
२३ सप्टेंबर २६ रोजी सकाळी आठ तीस वाजता संत शिरोमणी श्री दगाजी महाराज महामंडलेश्वर रामचेतन बापू उर्फ स्वामी रामानंदजी महाराज यांच्या आशीर्वादाने व संतोष महाराज यांच्या मार्गदर्शनाखाली अखंड राम नाम जप धुनास प्रारंभ झाला. दुपारी दगाजी महाराज यांच्या पादुकासह संतांच्या प्रतिमेची पालखीत संपूर्ण गावात वाजत गाजत शोभायात्रा काढण्यात आली. २४ सप्टेंबर रोजी सकाळी नऊ वाजता जप यज्ञ भागवत सकीर्तनाची सांगता झाली, त्यानंतर गोपालकाला, दहीहंडी कार्यक्रम घेण्यात आला, दहीहंडी कार्यक्रमानंतर महाआरती झाल्यावर महाप्रसाद भंडाऱ्याचे व सकीर्तनाच्या आयोजन ग्रामस्थ तर्फे करण्यात आले होते.
एक दिवशी हरिनाम जप यज्ञात संतोष महाराज सह आनंद महाराज, मगन महाराज, प्रकाश महाराज ,वसंत महाराज नांदरखेडा, शिवानंद पुरी महाराज कन्नड, पवन महाराज नागझिरी, अनिल महाराज आदी संत कार्यक्रमास उपस्थित होते. कार्यक्रम यशस्वीतेसाठी ठाणेपाडा येथील रामधून मंडळाचे अध्यक्ष छोटू ठाकरे, सामाजिक कार्यकर्ते यशवंत पवार, जि.प.सदस्य देवमन पवार, सरपंच विशाल पवार, उपसरपंच महेंद्र पवार आदीसह गावातील भाविकांनी काम पाहिले.
या एकदिवसीय राम नाम जप यज्ञ भागवत सकीर्तनात ठाणेपाड्यासह चौपाळे, समशेरपुर होळ, नांदरखेडा आदी गावातील भाविक उपस्थित होते. भंडारा महाप्रसादाचा सर्व भावकींनी लाभ घेतला.
