नंदुरबार l प्रतिनिधी
शिवसेना शिंदे गट प्रेरित शिवशक्ती वाहतूक सेना व शिवशक्ती कामगार सेनेची जिल्हा कार्यकारिणी जाहीर करण्यात आली आहे. कार्यकारणीत खान्देश उपाध्यक्षसह जिल्ह्यातील 9 जणांना स्थान देण्यात आलेले असून, शिवसेना संपर्कप्रमुख आमदार चंद्रकांत रघुवंशी यांच्या हस्ते नियुक्तीपत्र देण्यात आले.
शिवसेना मुख्य नेते, उपमुख्यमंत्री एकनाथ शिंदे, राष्ट्रीय अध्यक्ष अली भाई राष्ट्रीय उपाध्यक्ष अशपाक शहा यांच्या आदेशानुसार शिवशक्ती वाहतूक सेना व शिवशक्ती कामगार सेनेची नंदुरबार जिल्हा कार्यकारिणी जाहीर करण्यात आली. कार्यकारणीत खान्देश उपाध्यक्षपदी दादाभाई मिस्तरी यांची तर जिल्हाध्यक्षपदी विजयसिंग गिरासे यांची नियुक्ती करण्यात आली आहे. संघटनेची ध्येयधोरणे, वाहतूकदारांच्या हिताचे कार्यक्रम वेळोवेळी निष्ठेने राबवावीत. वाहतूकदारांना खंबीर नेतृत्वाची गरज असून त्यांची विश्वासार्हता जपणे ही अत्यंत महत्त्वपूर्ण बाब असल्याचे नियुक्ती पत्रात म्हटले आहे.
उर्वरित कार्यकारणी याप्रमाणे: जिल्हा सचिव सुनील बोरसे,जिल्हा उपाध्यक्ष पंढरीनाथ सुतार, जिल्हा संपर्कप्रमुख देविदास माळी, तालुकाध्यक्ष प्रवीण बच्छाव, तालुका उपाध्यक्ष प्रशांत गिरासे, शहराध्यक्ष नयन चौधरी, शहर उपाध्यक्ष दिनेश बोरसे, संपर्कप्रमुख दिलीप मेने
