नंदुरबार l प्रतिनिधी
संसद रत्न माजी खासदार डॉक्टर हिना गावित यांच्या वाढदिवसानिमित्त डॉ.हिनाताईंच्या चाहत्यांनी व कार्यकर्त्यांनी आयोजित केलेल्या जम्बो स्वरूपातील विविध कला आणि क्रीडा स्पर्धांना आज जोरदार सुरुवात झाली.
दिनांक 27 जून आणि उ28 जून 2025 रोजी पार पडणाऱ्या या सहा प्रकारच्या स्पर्धेतील वेगवेगळ्या गटाच्या स्पर्धकांसाठी सुमारे 70 रोख बक्षीस आणि पारितोषिके ठेवण्यात आली असून नंदुरबार जिल्ह्यात प्रथमच वाढदिवसानिमित्त इतक्या मोठ्या स्वरूपातील स्पर्धा पार पडत आहेत.
बुद्धिबळ स्पर्धेत विविध गटातील स्पर्धकांसाठी 30, मॅरेथॉन स्पर्धेत विविध गटातील स्पर्धकांसाठी 12, फुटबॉल स्पर्धेतील स्पर्धकांसाठी 6, नृत्य स्पर्धेतील स्पर्धकांसाठी 6, रांगोळी स्पर्धेतील स्पर्धकांसाठी 6, ग्रँड मेकअप स्पर्धेतील स्पर्धकांसाठी 10, इतक्या स्वरूपात बक्षीसे आणि पारितोषिके दिले जाणार आहे. जल्लोषात सुरू झालेल्या या स्पर्धांमुळे युवक युवती तसेच विद्यार्थ्यांमध्ये मोठे उत्साहाचे वातावरण दिसून आले.
दरम्यान दिनांक 27 जून 2025 रोजी फुटबॉल स्पर्धा एस ए. मिशन हायस्कूल मैदानात संपन्न झाली. या स्पर्धेत एकूण १९ संघ सहभागी झाले होते. त्यात ३०४ खेळाडूंचा समावेश होता. खेळांना निरीक्षक म्हणून मधुकर शेवाळे अमोल दलगे राज जयकर खुशाल शर्मा राज अहिरे उपस्थित होते. यानंतर बाबा रिसॉर्ट सभागृहात सौंदर्य स्पर्धा संपन्न झाल्या या स्पर्धेमध्ये जिल्हाभरातून ७० स्पर्धकांनी आपला सहभाग नोंदविला होता. या स्पर्धेला निरीक्षक म्हणून नेहा पारेख नेहा खरे अर्चना जाधव उपस्थित होत्या.
याच वेळी बाबा रिसॉर्ट सभागृहात नृत्य स्पर्धा संपन्न झाल्या या स्पर्धेत १५० हून अधिक स्पर्धकांनी आपला सहभाग नोंदविला. या स्पर्धेला रुचिता जमादार आणि प्रथमेश माने हे मुंबई येथून विशेष निरीक्षक उपस्थित होते. समस्त कला, क्रीडा प्रेमी उत्स्फूर्त प्रतिसाद देताना दिसून आले.
