नंदुरबार l प्रतिनिधी-
रेल्वे क्रॉसिंग गेट क्र. 74 रेल्वे रुळाच्या पृष्ठ भागाच्या देखभालीच्या व सुधारणा करण्याचे कामकाज करण्यासाठी चिंचपाडा ते कोळदे या राष्ट्रीय मार्गावरील वाहतुक 6 फेब्रूवारी पर्यंत वळविण्यात येत असल्याचे आदेश जिल्हाधिकारी डॉ मित्ताली सेठी यांनी जारी केले आहेत.
*वळविण्यात आलेला मार्ग..*
• सुरतहून नंदुरबार कडे येणारी वाहने ही निझर-वाकाचार मार्ग-प्रकाशा-कोळदे-नंदुरबार शहरातील करण चौफुली-धुळे चौफुली.
• नंदुरबारहून सूरत कडे जाणारी वाहने ही धुळे चौफुली-करण चौफुली-कोळदे-प्रकाशा-वाकाचार मार्ग-निझर मार्गे सुरतकडे.
• नंदुरबारहुन-विसरवाडी-दहिवेल- पिंपळनेर-नवापूर-सुरतकडे.
• सुरतकडून नवापूर- पिंपळनेर-दहिवेल-विसरवाडी-नंदुरबार.
• स्थानिक रहदारी करणारी वाहन ही रेल्वे क्रॉसिंग गेट क्र. 73 या पर्यायी मार्गे.
राष्ट्रीय महामार्गावरील चिंचपाडा ते कोळदे ही वाहतूक बंद करण्यात आलेली असून ती वरीलप्रमाणे वळविण्यात आली आहे. रेल्वे प्रशासनाच्या मदतीने उपप्रादेशिक परिवहन विभाग व पोलीस प्रशासनाने आवश्यक ती खबरदारी घेण्यात येवून योग्य तो बंदोबस्त व बॅरेकेटीग करण्यात यावी. तसेच रेल्वे प्रशासनाने या रेल्वे रूळाचे व त्यावरील रस्त्याचे दुरूस्तीचे काम विहित मुदतीत पूर्ण करावे असेही डॉ. श्रीमती सेठी यांनी आदेशात नमूद केले.
