नंदुरबार l प्रतिनिधी-
येथील तैलिक महासभेचे जिल्हाध्यक्ष तथा माजी नगरसेवक देवाजी चौधरी व ज्योत्सना चौधरी यांची मुलगी डॉ.स्नेहल चौधरी हिने नीट पीजी परीक्षेत घवघवीत यश मिळविले आहे.
डॉ.स्नेहल चौधरी हिने एमबीबीएस परीक्षा उत्तीर्ण होवून सन २०२४ मध्ये घेण्यात आलेल्या नीट पीजी परीक्षेत संपूर्ण भारतात दहा हजारावा तसेच ओबीसीमध्ये तीन हजार पाचवा क्रमांक मिळविला आहे. डॉ.स्नेहल चौधरी हिने हायस्कूलपर्यंतचे शिक्षण एसए मिशन तसेच इयत्ता बारावीपर्यंतचे शिक्षण नंदुरबार येथील जी.टी. पाटील कनिष्ठ महाविद्यालयात पूर्ण केले आहे. त्यानंतर इंदोर येथील गव्हर्नमेंट मेडीकल कॉलेजमध्ये एमबीबीएसची डिग्री प्राप्त केली आहे. आता तिला गव्हर्नमेंट कॉलेजमध्ये एमडीची डिग्री घेण्याचा मार्ग मोकळा झाला आहे. डॉ.स्नेहल चौधरी ही कु.निसर्गा व ओम चौधरी यांची भगिनी आहे. तिचे सर्वत्र कौतुक होत आहे.
