नंदुरबार l प्रतिनिधी
कळंबू येथील संजय बोरसे यांचे ता. ३१ बुधवार रोजी दुपारी इलेक्ट्रिक शॉक लागून मृत्यू झाल्याची घटना घडल्याने, सर्वत्र हळहळ व्यक्त करण्यात येत आहे.
शहादा तालुक्यातील कळंबू येथील प्रगतशील शेतकरी संजय आत्माराम बोरसे (५८) दुपारी शेतातून घरी आल्यावर, घरातील पाण्याची मोटार चालू करतांना विजेचा जबर शॉक लागून बाजूला फेकले जाऊन बेशुद्ध पडले.ताबडतोब शेजारील व कुटुंबाच्या मदतीने पुढील उपचारासाठी शहादा येथील एका खाजगी रुग्णालयात दाखल केले असता डॉक्टरांनी तपासणी अंती मृत घोषित केले. याबाबत सारंगखेडा पोलिसात रामराम बोरसे यांच्या फिर्यादीवरून अकस्मात मृत्यूची नोंद करण्यात आली असून,तपास अकिल पठाण करीत आहेत.
मयतावर शहादा येथील उपजिल्हा रुग्णालयात शवविच्छेदन डॉ. साठे यांच्या मार्गदर्शनाखाली करून रात्री उशिरा शेव कुटुंबाच्या ताब्यात देण्यात आले. ता. १ आगस्ट गुरुवार रोजी शोकाकुल वातावरणात अंतिमसंस्कार करण्यात आले. मयत बोरसे हे गावात व परिसरात प्रगतशील शेतकरी म्हणून परिचित होते. दुर्दैवी घटनेमुळे परिवार व गावावर शोककळा पसरली आहे. त्यांच्या पच्यात पश्चात पत्नी, आई वडील,भाऊ, दोन अविवाहित मुले असा परिवार आहे.
