नंदुरबार l प्रतिनिधी
नंदुरबार येथील एस.ए. मिशन हायस्कुल व कनिष्ठ महाविद्यालय येथे १५ जून रोजी प्रवेशोत्सव साजरा करण्यात आला, या शैक्षणित वर्षाच्या पहिल्या दिवशी शाळा विद्यार्थ्यांनी बहरली असून शाळेच्या शिक्षकांनी मोठ्या उत्साहात विद्यार्थ्यांचे स्वागत केले.
या निमित्ताने प्रवेशद्वारावर दोन्ही बाजूला वेलकम आणि सुस्वागतमच्या अल्फाबेट हातात धरून विद्यार्थ्यांवर पुष्पांचा वर्षाव करीत,फुग्यांनी सजवलेल्या कमानीतून शाळेच्या प्राचार्यानी आपल्या सोबत नवीन विद्यार्थ्यांचे हात धरून शाळेत प्रवेश केला,उन्हाळ्याच्या सुट्टीनंतर प्रथमच शाळेत आल्याचा आनंद विद्यार्थ्यांच्या चेहऱ्यावर फुलून दिसत होता.
यावेळी विद्यार्थ्यांना पुस्तक व स्वीट्स वाटप करण्यात आले, ह्यावेळी विद्यार्थ्यांना प्रचार्यातर्फे मोलाचे मार्गदर्शन करण्यात आले अश्या पद्धतीने जोरदार व धुमधडाक्यात प्रवेशोत्सव साजरा करण्यात आला यावेळी शाळेच्या प्राचार्य नूतनवर्षा वळवी,उपमुख्याध्यापक विजय पवार, पर्यवेक्षिका वंदना जांभीलसा, पर्यवेक्षक मीनल वळवी, तसेच शाळेतील सर्व शिक्षक यांनी नवागतांचं मोठ्या उत्साहात स्वागत केले.
