नंदुरबार l प्रतिनिधी
नाशिक विभाग शिक्षक मतदार संघ निवडणूक 2024 चा कार्यक्रम घोषित केला आहे.26 जून रोजी मतदान होणार असून जिल्ह्यात पाच जुलै पर्यंत आचारसंहिता लावण्यात आले आहे या निवडणुकीत जिल्ह्यात 5 हजार 494 मतदार असून त्यासाठी नऊ मतदार केंद्र असणार आहेत अशी माहिती उपजिल्हाअधिकारी प्रमोद भामरे यांनी दिली.
यावेळी पुढे श्री.भामरे यांनी सांगितले की, निवडणूक अधिसूचना प्रसिद्ध 31 मे रोजी जाहीर होणार आहे. सात जून अखेरपर्यंत नामनिर्देश पत्र दाखल करता येणार आहेत. दहा जून रोजी नाम निर्देश पत्रांची छाननी करण्यात येणार आहे.
12 जुलै रोजी अर्ज माघारीची शेवटची तारीख असून 26 जून रोजी सकाळी आठ ते सायंकाळी चार वाजे दरम्यान नंदुरबार जिल्ह्यातील नव केंद्रांवर 5 हजार 494 मतदार आपले मतदानाचे हक्क बजावणार आहेत. शिक्षक मतदार संघाच्या निवडणुकीची मतमोजणी एक जुलै रोजी होणार आहे दरम्यान नंदुरबार जिल्ह्यात पाच जुलै पर्यंत आचारसंहिता असणार असल्याची माहिती उपजिल्हाअधिकारी प्रमोद भामरे यांनी दिली.
