शहादा l प्रतिनिधी
लोकनायक जयप्रकाश सूतगिरणी संचालक मंडळ पंचवार्षिक निवडणुक लोकशाही पॅनलच्या प्रचारासाठी शहादा तालुक्यातील तापी नदी पट्टयातील सुमारे वीस गावांमध्ये सभासद मतदार बांधवांची भेट घेत मतदानाचे आवाहन करण्यात आले.
लोकनायक जयप्रकाश नारायण सहकारी शेतकरी सूतगिरणी लि.उंटावद-होळ ता.शहादा संचालक मंडळ पंचवार्षिक निवडणुक जाहीर करण्यात आली आहे.या निवडणुकीत लोकशाही पॅनलच्या प्रचारानिमीत्त दि.16 शुक्रवारी शहादा तालुक्यातील तापी नदीच्या पट्यातील मनरद,लांबोळा, कर्जइ, बुपकरी, डामरखेडा, प्रकाशा, नांदरखेडा, पळासवाडा, शेल्टी,ससदे,बिलाडी तसा,बामखेडा तसा, कवठळ तसा, कुरावद तसा,सारंगखेडा, टेंभे तसा, कळंबू, पुसनद, अनरद, वरुळ कानडी,शिरूड दिगर या वीस गावांमध्ये मतदार-सभासद व ग्रामस्थांना भेटून लोकशाही पॅनलला विजयी करण्याचे आवाहन करण्यात आले.
यावेळी लोकशाही पॅनलचे सर्व उमेदवार, स्थानिक ग्रामपंचायत पदाधिकारी व सदस्य, समर्थकांसह विविध सहकारी संस्थांचे संचालक, पदाधिकारी, कार्यकर्त्यांची उपस्थिती होती.मतदार सभासदांसह ग्रामस्थ शेतकरी बांधवांची घरोघरी जाऊन प्रत्यक्ष भेट घेण्यात आली तसेच लोकशाही पॅनलला विजयी करण्याचे आवाहन करण्यात आले.
