नंदुरबार l प्रतिनिधी
जनतेच्या तक्रारी व गा-हाणी सोडविण्यासाठी दर महिन्याच्या पहिल्या सोमवारी जिल्हास्तरीय लोकशाही दिनाचे आयोजन करण्यात येते. तथापि, माहे ऑक्टोंबर महिन्यातील पहिल्या सोमवारी महात्मा गांधी जयंती निमित्त शासकीय सुट्टी असल्याने त्यानंतर येणाऱ्या कामकाजाचा दिवशी मंगळवार ३ ऑक्टोंबर २०२३ रोजी दुपारी ०१-०० वाजता जिल्हाधिकारी मनिषा खत्री यांच्या अध्यक्षतेखाली जिल्हाधिकारी कार्यालय, नंदुरबार येथे जिल्हास्तरीय लोकशाही दिनाचे आयोजन करण्यात आले असल्याची माहिती निवासी उपजिल्हाधिकारी सुधीर खांदे यांनी एका प्रसिध्दी पत्रकान्वये दिली आहे.
जिल्हास्तरीय लोकशाही दिनात अर्ज सादर करू इच्छिणाऱ्या अर्जदारांनी न्यायप्रविष्ठ प्रकरणे वगळून तक्रार अर्ज जिल्हाधिकारी कार्यालय, नंदुरबार येथे उपस्थित राहून सादर करावेत, असे आवाहनही निवासी उपजिल्हाधिकारी श्री. खांदे यांनी प्रसिद्धी पत्रकाद्वारे केले आहे.
