नंदूरबार l प्रतिनिधी
नंदुरबार तालुका विधायक समिती संचलित शिवदर्शन विद्यालय व कनिष्ठ महाविद्यालय भालेर येथे वृक्षदिंडी व वृक्षारोपण करण्यात आले.कार्यक्रमाची सुरुवात वृक्ष दिंडीचे पूजन करून करण्यात आले.
भालेर, नगांव, तिशी येथे वृक्ष लागवड व वृक्ष संवर्धनाविषयी जनजागृती करण्यात आली.विद्यार्थ्यांनी गांधीटोपी, सदरा, धोतर असा वारकरी पेहराव तर विद्यार्थिनींनी पारंपारिक साडी नेसून दिंडीत भाग घेऊन मिरवणुकीची शोभा वाढवली. वृक्ष जनजागृतीवर घोषणा देत एक वेगळेच आनंदाचे वातावरण निर्माण झाले.
मुलींनी पर्यावरणावर गीत सादर करून समाजामध्ये पर्यावरणाविषयी सकारात्मक संदेश दिला. दिंडीची सांगता विद्यालयाच्या प्रांगणात झाली .
वृक्षप्रेमी समाजसेवक श्री.निकुंभे, संतोष चव्हाण, सुनील बागुल, श्री रामबरण, निलकंठ बेहरे यांनी विद्यार्थ्यांना वृक्षांचे महत्व सांगीतले यावेळी कार्यक्रमाचे अध्यक्ष म्हणून कृषी बाजार समितीचे सदस्य दिनेश पाटील, भालेरचे उपसरपंच गजानन पाटील, हिंमत पाटील,अशोक पाटील,आनंदा पवार, दिलीप पाटील, नानाभाऊ पाटील, लोटन पाटील, प्राचार्य आर. एच.बागुल उपस्थित होते. सर्व मान्यवरांच्या हस्ते शाळेच्या प्रांगणात वृक्षारोपन करण्यात आले. कार्यक्रमाचे सूत्रसंचालन पर्यवेक्षक व्ही.जे. पाटील व आभार डी. एन सोलंकी यांनी मानले.
कार्यक्रम यशस्वीतेसाठी सर्व शिक्षक शिक्षकेतर कर्मचारी यांनी परिश्रम घेतले.
