नंदुरबार l प्रतिनिधी
तालुक्यातील चौपाळे शिवारातील श्री गोवर्धनसिंहजी शैक्षणिक सेवा समितीच्या पी.जी पब्लिक स्कूलमध्ये आषाढी एकादशीच्या निमित्ताने विद्यार्थ्यांनी विठू माऊलीच्या गजरात दिंडी काढली. लेझीम,झांज, टाळ मृदुंगाच्या निनाद आणि मुखी ‘विठ्ठल विठ्ठल’च्या जयघोषित विद्यार्थी भक्तीरसात दंग झाले होते.
पी.जी पब्लिक स्कूलमध्ये आज शाळेच्या आवारातून विद्यार्थ्यांची दिंडी काढण्यात आली. वारकरीच्या पेहरावातील शाळेतील सर्वच विद्यार्थी जणू पंढरपूरच्या दिंडीत सहभागी असल्याच्या भास होत होता. दिंडीच्या अग्रभागी ढोल ताशांच्या गजर तर त्यामागे मुलींनी माथ्यावर तुळशी वृंदावन ठेवले होते.लेझीम,झांज, टाळ मृदुंगाच्या निनाद आणि मुखी ‘विठ्ठल विठ्ठल’च्या जयघोषात विद्यार्थी भक्तीरसात चिंब झाले होते.
विठ्ठल रखुमाईच्या सजीव देखावा
विद्यार्थ्यांना सण उत्सवांची माहिती मिळावी यासाठी. पीजी पब्लिक स्कूलमध्ये आज आषाढी एकादशीच्या निमित्ताने दिंडीचे आयोजन केले होते.दिंडीत विठ्ठल- रखुमाईचा सचिव देखावा सादर करण्यात आला होता. विठ्ठलाच्या देखावा आराध्य भावसार रखुमाईच्या देखावा सिद्धी सिद्धार्थ रघुवंशी यांनी सादर केला.
पर्यावरणाच्या दिला संदेश
विद्यार्थी वारकऱ्यांनी दिंडीमध्ये पर्यावरण बचावाच्या संदेश दिला. सहभागी अनेक विद्यार्थ्यांनी हातात पर्यावरण संवर्धन व बेटी बचावचे फलक झळकावाले.श्री गोवर्धनसिंहजी शैक्षणिक सेवा समितीचे चेअरमन पुष्पेंद्र रघुवंशी,मॅनेजिंग डायरेक्टर रुद्रप्रताप रघुवंशी,संचालक सिद्धार्थ रघुवंशी यांच्या मार्गदर्शनाखाली कार्यक्रम घेण्यात आला.यावेळी प्राचार्य आनंद परदेशी यांच्यासह शिक्षक शिक्षकेतर कर्मचारी उपस्थित होते.
