नवापूर l प्रतिनिधी
नवापूर येथील उत्कर्ष प्रशांत राजपूत इयत्ता सातवी आत्मा मालिक सुपर फाउंडेशन कोकमठाण ता. कोपरगाव जिल्हा अहमदनगर या विद्यालयात विद्यार्थ्यांने डॉ. सी. व्ही. रमण बालवैज्ञानिक स्पर्धा परीक्षा २०२२-२३ या परीक्षेत घवघवीत यश प्राप्त केले. उत्कर्ष राजपूत याने कोपरगाव तालुक्यातील गुणवंत विद्यार्थ्यांचा यादीत ७८ टक्के गुण मिळवून प्रथम क्रमांकावर यश संपादन केले आहे.
उत्कर्ष राजपूत हा अनुदानित प्राथमिक आश्रम शाळा नवागांव येथील सेवानिवृत्त मुख्याध्यापक सुरेश राजपूत यांचा नातू तर भरडू आश्रम शाळेतील शिक्षक प्रशांत राजपूत व कै. हेमलताताई वळवी प्राथमिक विद्यामंदिर विसरवाडी मुख्याध्यापिका सिमा पाटील यांचा मुलगा आहे.
उत्कर्ष राजपूत याने डॉ. सी व्ही. रमण बालवैज्ञानिक परिक्षेत यश मिळविल्याने आत्मा मालिका आंतरराष्ट्रीय शैक्षणिक व क्रीडा संकुल संस्थेचे अध्यक्ष नंदकुमार सूर्यवंशी, प्राचार्य निरंजन डांगे, संचालक मंडळ वर्गशिक्षिका तनुजा घोरपडे, शिक्षक तसेच नातेवाईक मित्रपरिवार यांनी कौतुक केले आहे.
