नंदुरबार l प्रतिनिधी
संत भिमा भोई जन्मोत्सवानिमित्त प्रतिमा पुजन, विविध क्रीडा स्पर्धा तसेच नेत्र तपासणी शिबिर, वृक्षारोपण, रोप वाटप तसेच रक्तदान शिबिर घेण्यात आले. समस्त नंदुरबार जिल्ह्यातील भोई समाज बांधवांनी संत भिमा भोई जयंती उत्साहात साजरी केली.
यात नंदुरबार शहरातील जन्मोत्सवात नेत्र तपासणी शिबिराला १२५ वृद्ध समाज बांधवांनी तपासणी केली.
यावेळी समाजातील वृद्ध महिलांच्या हस्ते शिबिराचे उद्घाटन करण्यात आले. त्याचप्रमाणे नंदुरबार उपनगर परिसरात विविध वसाहतींमध्ये १०० फळ झाडे लावण्यात आली. मराठा क्रांती मोर्चाचे जिल्हाध्यक्ष नितीन जगताप यांनी शंभर फळझाडे उपलब्ध करुन दिली. दि.२४ मे रोजी ५५ युवकांनी स्वेच्छेने रक्तदान केले. यावेळी भाजपा नेते डॉ.विक्रांत मोरे यांनी स्वतः रक्तदान करुन शिबिरास सुरुवात केली. दि.२१ ते २५ मे पर्यंत पहाटे योग प्रशिक्षण शिबिर घेण्यात आले. यावेळी मोठ्या प्रमाणावर समाज बांधवांनी सहभाग घेतला. दि.२२ मे रोजी लहान मुलांकरीता विविध स्पर्धा आयोजित करण्यात आल्या होत्या. त्यात दोनशेहून अधिक मुलांनी सहभाग नोंदविला. दि.२५ मे रोजी महिलांकरीता रांगोळी स्पर्धेचे आयोजन करण्यात आले होते. सदर स्पर्धेत मोठ्या प्रमाणावर महिलांनी सहभाग नोंदविला.
दि.२५ मे रोजी संत भिमा भोई यांचे प्रतिमेेचे पुजन आदिवासी एज्युकेशन सोसायटीचे चेअरमन राजेद्रकुमार गावीत समवेत माजी जि.प.उपाध्यक्ष ऍड.राम रघुवंशी यांच्या हस्ते झाले. यावेळी माजी उप नगराध्यक्ष रविंद्र पवार, रसिकलाल पेंढारकर, पुरुषोत्तम काळे, संतोष वसईकर, मदन मोरे, अरुण बेंद्रे, सुनिल मोरे, रमेश खेडकर, बाबुलाल मोरे आदी उपस्थित होते. यानंतर शोभायात्रेस सुरुवात झाली. शोभायात्रेत संत भिमा भोई यांच्यावर आधारीत संगितमय गाणी व ढोल-ताशांच्या गजरात नंदुरबार शहरातील संजय नगर येथून प्रारंभ करण्यात आला. यावेळी माजी आ.शिरीष चौधरी, नगरसेवक गौरव चौधरी, किरण चौधरी, भाजपा संघटक सचिव निलेश माळी आदी प्रतिष्ठीत नेते मंडळी व समाज सेवक उपस्थित होते.
गावातील प्रमुख चौका-चौकात शोभायात्रेचे स्वागत करण्यात आले. यावेळी मोठ्या प्रमाणावर महिलांसह युवक व बालकांची उपस्थिती होती. शोभायात्रेची सांगता मोठा मारुती येथे महाप्रसाद वाटप करुन झाली. जन्मोत्सव यशस्वीतेसाठी संत भिमा भोई जन्मोत्सव समितीचे अध्यक्ष विक्की नुक्ते, उपाध्यक्ष अजय साठे, सचिव ऍड.प्रकाश भोई, उपसचिव सुरेश वाडीले, राष्ट्रीय सदस्य रामकृष्ण मोरे, जितेंद्र भोई, राजेंद्र खंडू भोइर्, डॉ.गणेश ढोले, पंकज खेडकर, संजय साठे, पंकज शिवदे, तुकाराम मोरे, जगदिश साठे, मोहन ढोले, भास्कर भोई, मनोहर जावरे, सागर कन्हेरे, पावबा रामोळे, तुषार (तिलक) भोई आदींनी विशेष परिश्रम घेतले.
