नंदुरबार l प्रतिनिधी
नवापूर शहरातील कला, वाणिज्य व विज्ञान महाविद्यालयाच्या पुरूष वस्तीगृहाच्या बाजूला रात्री उशिराने दारु पिणाऱ्या तिघांना मनाई केल्याच्या रागातून तिघांनी वस्तीगृह अधीक्षकांनाच मारहाण केल्याची घटना घडली आहे.
याबाबत पोलीस सूत्रांनी दिलेल्या माहितीनुसार, नवापूर शहरातील कला, वाणिज्य व विज्ञान महाविद्यालयाच्या पुरूष वस्तीगृहाच्या बाजूला दुचाकीवरुन (क्र. जीजे २६ एएफ २५१४) आलेले तिघे सर्व रा.पांघराण,ता.नवापूर हे रात्री ११ वाजेच्या सुमारास दारु पित होते.यामुळे वस्तीगृह अधीक्षक हर्षल जसू गावित यांनी रात्री उशिर झाल्याने येथे दारु पिऊ नका असे सांगितले.
याचा राग आल्याने सुरज गावित याच्यासह तिघांनी हर्षल गावित यांना मारहाण केली. याबाबत हर्षल गावित यांच्या फिर्यादीवरुन नवापूर पोलीस ठाण्यात भादंवि कलम ३२४,३२३,५०४, ३४ प्रमाणे गुन्हा दाखल करण्यात आला आहे.पुढील तपास पोहेकॉ. दादाभाऊ वाघ करत आहेत.
