नंदुरबार | प्रतिनिधी
नंदुरबार तालुक्यातील मेघ मल्हार सिटी येथे नेटवर्क ऑफ बाय पिपल लिंव्हींग विथ एच.आय.व्ही एड्स संस्थेतर्फे एच.आय.व्ही सह जगणार्या अविवाहित जोडप्यांसाठी राज्यस्तरीय वधू वर परिचय मेळाव्याचे आयोजन करण्यात आले होते.यावेळी ६५ अविवाहित, घटस्फोटीत विधवा व विधुर एच.आय. व्ही संसर्गित वधू-वरांची नोंदणी व परिचय करण्यात आला.त्यांपैकी ६ जोडप्यांचे लग्न जुळवून देण्यात आले.
नेटवर्क ऑफ बाय पिपल लिंव्हींग विथ एच.आय.व्ही एड्स संस्था नंदुरबार ही संस्था गेल्या अनेक वर्षापासून नंदुरबार व धुळे जिल्ह्यात एच.आय.व्ही संसर्गित लोकांना आधार देणे ,उपचार, समुदेशन, त्याचा पाठपुरावा करने तसेच निमशासकीय शासकीय योजनांचा लाभ मिळवून देण्याचे कार्य करत आहे. एच.आय.व्ही संसर्गित लोकांच्या जीवनमानाच्या दर्जा उंचवण्यासाठी वेळोवेळी सहकार्य करणे असे कार्य केले जातात. तसेच एच.आय.व्ही संसर्गित जोडप्यांचे लग्न जुळवून देण्याचे कार्य केले जाते.
त्याचप्रमाणे संस्थे अंतर्गत एच.आय.व्ही सह जगणार्या अविवाहित जोडप्यांसाठी राज्यस्तरीय वधू वर परिचय मेळावा पाटोंदा-दहिंदुले रोड मेघ मल्हार सिटी नंदुरबार येथे घेण्यात आला, या एच.आय.व्ही संसर्गित वधू वर परिचय मेळाव्यात पूर्ण महाराष्ट्रातील ६५ अविवाहित, घटस्फोटीत विधवा व विधुर एच.आय. व्ही संसर्गित वधू-वरांची नोंदणी व परिचय करण्यात आला.त्यांपैकी ६ जोडप्यांचे लग्न जुळवून देण्यात आले.तसेच आतापर्यंत सस्थेमार्फत २२ एच. आय. व्हीं संसर्गित जोडप्यांचे लग्न लावून देण्यात आले आहे,
या कार्यक्रमाचे प्रमुख अतिथी म्हणून जिल्हा कार्यक्रम अधिकारी जिल्हा एड्स नियंत्रण विभाग जिल्हा रुग्णालय नितीन मंडलिक , वरिष्ठ वैद्यकीय अधिकारी ए.आर.टी सेंटर डॉ. प्रितम पाडवी, वैद्यकीय अधिकारी डॉ. राजेश केसवानी, संचालक जन शिक्षण संस्था नंदुरबार बाबूलाल महाजन, जिल्हा जिल्हा एड्स नियंत्रण विभाग विश्वास सूर्यवंशी, संस्थेच्या अध्यक्षा श्रीमती आशा माळी,सदस्य अनिल पाटील आदी उपस्थित होते. या उपक्रमात विहान प्रकल्पाचे कर्मचारी अशोक नाईक, नितीन पाटील, प्रतीक माळी, तुषार चौधरी, लक्ष्मण कोकणी,भारती मराठे, रेखा चौधरी, संगीता माळी, आशा मराठे, संगीता महाजन,कल्पना वाघ,ललिता मराठे, दुर्गेश पाचोंदे, भट्टू गवळी यांनी परिश्रम घेतले.
