शहादा l प्रतिनिधी
धुळे येथील प्रा.राहुल दिलीप संधानशिव यांना नुकतीच कवयित्री बहिणाबाई चौधरी उत्तर महाराष्ट्र विद्यापीठ, जळगाव तर्फे मेकॅनिकल इंजिनीरिंग शाखेत पीएचडी पदवी प्रदान करण्यात आली.
ते कै.दिलीप संधानशिव (प्राथमिक शिक्षक) आणि मुख्याध्यापिका शैलजा संधानशिव रा. धुळे यांचे जेष्ठ चिरंजीव आहेत. त्यांनी ‘ट्रायबॉलॉजिकल अँड मेकॅनिकल बिहेवियर ऑफ कार्बन फायबर रेनफोर्स्ड कंपोझिट मटेरियल फॉर युजिंग इन ऑटोमोबाईल एप्लीकेशन’ या विषयावर आपला प्रबंध सादर केला.
यासाठी त्यांना डी. एन. पटेल अभियांत्रिकी महाविद्यालय,शहादा येथील डॉ. दिलीप मंगेश पटेल यांनी मार्गदर्शन केले. सोबतच त्यांनी भारतीय पेटंट आणि कॉपिराइट प्रकाशित करत उत्तम दर्जाच्या विविध आंतरराष्ट्रीय मासिकांमध्ये आपले शोधनिबंधही सादर केले. त्यांच्या या यशाबद्दल संस्थेचे अध्यक्ष पूज्य साने गुरूजी विद्या प्रसारक मंडळाचे अध्यक्ष दीपक पाटील, उपाध्यक्ष जगदीश पाटील, सचिव श्रीमती कमलताई पाटील समन्वयक प्रा. मकरंद पाटील, प्राचार्य डॉ. एन. जे. पाटील, विविध विद्या शाखांचे प्राचार्य यांनी अभिनंदन केले.
