वरिष्ठ सहाय्यक यांची हकालपट्टी करा, सीईओ यांना प्रहार शिक्षक संघटनेचे निवेदन

निवेदनात म्हटले आहे की,  शहादा पंचायत समिती शिक्षण विभागातील वरिष्ठ सहाय्यक नामदेव टी. धनगर हे मागील अनेक वर्षांपासून शिक्षक कर्मचाऱ्यांची मेडीकल फाईल प्रलंबित ठेवणे , महिलांची कामे हेतपुरस्करपणे लांबविणे , ७ वा वेतन आयोग दुसऱ्या हप्त्याची रक्कम विनाकारण प्रलंबित ठेवणे , पगार बिले स्वता न बनविता इतर खाजगी पंटरकडे बनविणे , दुपारुन शासकीय कार्यालयात नसणे , मद्य प्रशान करुन कार्यालयात ड्युटी करुन इतर कर्मचाऱ्यांशी  अरेरावी , शिविगाळ करणे , लाच घेतल्याशिवाय कुठलेही काम न करणे , वरिष्ठांच्या आदेशांना केराची टोपली दाखविणे , वरिष्ठांनी वारंवार दिलेल्या सुचनांचे पालन न करणे , किरकोळ कामे प्रलंबित ठेवणे असे प्रकार वारंवार करीत असल्यामुळे शिक्षक कर्मचाऱ्यांना श्री. धनगर यांच्या आडमुठे धोरणामुळे अनेक अडचणींचा सामना करावा लागत आहे.

शहादा तालुक्यातील जि.प.प्राथमिक  शिक्षक बंधु भगिनी यांनी तीव्र  असंतोष व्यक्त केला आहेत. तरी शहादा पंचायत समिती शिक्षण विभागातील वरिष्ठ सहाय्यक नामदेव टी. धनगर यांची तात्काळ इतर विभागात हकालपट्टी करण्यात यावी.  अन्यथा प्रहार शिक्षक व शिक्षकेत्तर कर्मचारी संघटनेच्यावतीने जनआंदोलन छेडण्यात येईल व होणाऱ्या विपरित परिणामास सर्वस्वी प्रशासन जबाबदार राहील याची नोंद घेण्यात यावी. असेही निवेदनात प्रहार शिक्षक संघटनेचे जिल्हाध्यक्ष गोपाल गावीत यांनी दिले आहे.