नंदुरबार ।
तालुक्यातील दहिंदुले ग्रामपंचायत कार्यालयात उपसरपंच पदाच्या निवडीसाठी सभा घेण्यात आली. या निवडीत एकमेव अर्ज दाखल झाल्याने उपसरपंचपद बिनविरोध करण्यात आाले आहे.
ही सभा लोकनियुक्त सरपंच राजेंद्र वळवी यांच्या अध्यक्षतेखाली घेण्यात आली. यावेळी उपसरपंच पदासाठी एकमेव अर्ज दाखल झाल्याने सदरची बिनविरोध निवड ग्रामसेविका यांनी घोषित केली. यावेळी उपसरपंचपदी गणेश सिताराम नंनवरे यांची निवड करण्यात आली आहे.
सदरची निवड ही शिंदे गटाचे शिवसेना नेते माजी आ. चंद्रकांत रघुवंशी यांच्या मार्गदर्शनानुसार घेण्यात आली आहे. उपसरपंचपद बिनविरोध करण्यासाठी माजी पंचायत समिती सदस्य दीपक मराठे, सुदाम माळी, नवनाथ मोगल, हरिष मराठे, विनोद काळे, योगेश बरकले, हेमराज माळी, देविदास वळवी, विलास ठाकरे, राजेंद्र माळी, राजेंद्र भटा काळे
उपस्थित होते.
यावेळी नवनियुक्त ग्रा.पं. सदस्य छोटीबाई मराठे सुमनबाई मराठे, रमेश वसावे, युवराज वळवी, कल्पना वळवी, कैलास गावित, मोगीबाई भिल, मंजूबाई भिल आदींचा मान्यवरांच्या हस्ते सत्कार करण्यात आला यावेळी उपसरपंच गणेश नंनवरे यांची बिनविरोध निवड झाल्याने कार्यकर्त्यांनी ग्रामपंचायत कार्यालय आवारात एकच जल्लोष करून फटाक्याांच आतिषबाजी करण्यात आली आहे. या निवड प्रसंगी शिंदे गटातील शिवसेना कार्यकर्ते मोठ्या संख्येने उपस्थित होते.
