नंदुरबार ! प्रतिनिधी
अंकलेश्वर बहाणपूर रस्त्यावर जुना वाण्याविहीर फाट्याजवळ ट्रकने दुचाकीला धडक दिल्याने घडलेल्या अपघातात रेटपाडा येथील ४० वर्षीय इसम ठार तर
नवापूर तालुक्यातील विसरवाडी – नंदुरबार रस्त्यावर भरधाव वेगाने जाणाऱ्या दुचाकीने धडक दिल्याने घडलेल्या अपघातात पाच वर्षीय बालक तर झाल्याची घटना घडली आहे .
याबाबत पोलीस सूत्रांनी दिलेल्या माहितीनुसार , अंकलेश्वर – बहाणपूर रस्त्यावर जुन्या वाण्याविहीर फाट्याजवळून जात असतांना ट्रक चालक आलाभाई शामलाभाई ललतुका ( रा.सायकला सुरेंद्रनगर , गुजरात ) हा त्याच्या ताब्यातील वाहन क्र ( जीजे .०४ डब्ल्यू ९ ३६६ ) घेवून भरधाव वेगाने जात असतांना त्याने रस्त्याच्या परिस्थितीकडे दुर्लक्ष करुन भरधाव वेगाने वाहन चालविले.यामुळे समोरुन येणाऱ्या दुचाकी क्र ( जीजे ५ डीके १ ९ ४७ ) ला धडक दिल्याने अपघात घडला . अपघातात दुचाकीवरील प्रकाश गारद्या वळवी ( ४० , रारेटपाडा ) यांचा मृत्यू झाला . याबाबत रेटपाडा येथील गारद्या आट्या वळवी यांच्या फिर्यादीवरुन संशयित वाहन चालक आलाभाई शामलाभाई ललतुका याच्याविरोधात भादंवि कलम ३०४ ( अ ) , २७ ९ , ३३७ , ३३८,४२७ मोटार वाहन कायदा कलम १८४ प्रमाणे गुन्हा दाखल केला आहे .तर दुसऱ्या घटनेत नंदुरबार तालुक्यातील नागरस येथील रमेश बाज्या गावीत हा त्याच्या ताब्यातील दुचाकी क्र ( एम.एच .३ ९ डी .४८३ ९ ) घेवून विसरवाडी ते नंदुरबार रस्त्याने लहान कडवान गावाजवळील दुध डेअरीसमोरुन जात असतांना त्याने रस्त्याच्या परिस्थितीकडे दुर्लक्ष करुन भरधाव वेगाने वाहन चालविले.यावेळी रस्त्याने नागसर येथील युवराज मनेश गावीत ( वय ५ ) हा रस्ता ओलांडत असतांना दुचाकीने धडक दिल्याने त्यास गंभीर दुखापत झाली.यात त्याचा मृत्यू झाला.याबाबत मयत युवराज गावीत याचे काका आशिस दाज्या गावीत यांच्या फिर्यादीवरुन दुचाकीस्वार
रमेश गावीत याच्याविरोधात विसरवाडी पोलीस ठाण्यात भादंवि कलम ३०४ ( अ ) , २७ ९ , ३३७ सह मोटार वाहन कायदा कलम १८४ प्रमाणे गुन्हा दाखल केला आहे .
