नंदुरबार l प्रतिनिधी आंबेबारा,धनीबारा,विसरवाडी,खोलघर लघू प्रकल्प योजना धरण व पाणलोट क्षेत्रात पाऊस झाल्याने सदर प्रकल्प 100 पूर्ण क्षमतेने भरल्याने प्रकल्पाच्या पाणी पातळीत वाढ झाली असून हवामान खात्याने दिलेल्या सूचनेनुसार पुढील 72 तासात पाऊस होण्याची शक्यता असल्याने पाणी पातळी नियंत्रित करण्यासाठी प्रकल्पाच्या सांडव्यातून पाण्याचा विसर्ग सोडण्यात येणार असल्याने
आंबेबारा लघुप्रकल्पांच्या नदीकाठावरील आष्टे, पिप्रीपाडा, काळटोली, धनीबारा लघुप्रकल्पांच्या नदीकाठावरील अजेपूर, हरिपूर, अंबापूर, घोगळपाडा, विसरवाडी लघुप्रकल्पांच्या नदीकाठावरील विसरवाडी,नवापाडा, खर्जे,बंधारे केलपाडा, सोनारे,डोकारे,नवागांव तसेच खोलघर लघुप्रकल्पांच्या नदीकाठावरील खोलघर, हनुमंतपाडा,आमसपाडा,हरिपूर, सुतारपाडा, घोगळपाडा नदीकाठच्या गावातील नागरिकांनी सतर्कता बाळगावी,असे आवाहन जिल्हा प्रशासनातर्फे करण्यात आले आहे.
तसेच वरील नदी काठावरच्या गावातील नागरिकांनी नदीपात्रामध्ये आपली गुरेढोरे सोडू नये अथवा नदी काठाजवळ जाऊ नये. नदीमधील पाण्याचे पंप सुरक्षित स्थळी हलवावे, असे निवासी उपजिल्हाधिकारी तथा मुख्य कार्यकारी अधिकारी जिल्हा आपत्ती व्यवस्थापन प्राधिकरण सुधीर खांदे यांनी कळविले आहे.
