म्हसावद l प्रतिनिधी
नंदुरबार तालुका विधायक समितीचे प्राथमिक विद्या मंदिर समशेरपूर ता.नंदुरबार येथील क्रीडा शिक्षक विशाल विक्रम सोनवणे यांना क्रीडा क्षेत्रात उत्कृष्ट कामगिरी केल्याबद्दल दिल्ली येथे राष्ट्रीय क्रीडा रत्न पुरस्कार देऊन सन्मानित करण्यात आला.
.
या अगोदर विशाल सोनवणे यांना अनेक पुरस्काराने सन्मानित करण्यात आलेले आहे. महाराष्ट्र राज्य राज्यस्तरीय युवा व युथ आयडॉल क्रिडारत्न पुरस्कार , तसेच स्वतंत्र भारत गुरुजन पुरस्कार,कोरोना योद्धा पुरस्काराने सन्मानित झालेले आहे.
क्रीडा क्षेत्रात ते खो.खो. चे राज्य पंच असून महाराष्ट्रात पंचाची उत्कृष्टपणे कामगिरी करीत असून आज पर्यंत अनेक कामगिरी केलेले आहेत नंदुरबार जिल्ह्यातून खो.खो. खेळाचे अनेक विद्यार्थ्यांना मार्गदर्शन करण्याचे काम करित आले आहेत.
या सर्व कामगिरीचा आढावा पाहून मनुष्यबळ विकास यांच्याकडून दिल्ली येथे राष्ट्रीय खेलरत्न पुरस्काराने सन्मानित करण्यात येणार आहे या कामगिरीसाठी विशाल सोनवणे यांना मार्गदर्शन म्हणून नंदुरबार तालुका विधायक समितीचे संचालक माजी आ. चंद्रकांत रघुवंशी, मनोज रघुवंशी,
प्राध्यापक व महाराष्ट्र खो-खो असोसिएशनचे सहसचिव राजेश सोनवणे व प्रा.मनोज परदेशी , शाळेचे मुख्याध्यापक श्रीमती वैशाली बोरसे तसेच आमलाडचे क्रीडा शिक्षक पुलायन जाधव यांचे अनमोल मार्गदर्शन लाभले आहे. दिल्ली येथे राष्ट्रीय क्रीडा पुरस्कार जाहीर झाल्याबद्दल त्यांचे सर्वत्र अभिनंदन करण्यात येत आहे.
