नंदुरबार l प्रतिनिधी
नंदूरबार शहरातील मुख्य चौक असलेल्या अंधारे चौकातील सरदार ट्रान्सपोर्ट व सुपर टायर सव्हिसला लागलेल्या आगीत ९ ते १० लाखांचे नुकसान झाल्याचा अंदाज वर्तविण्यात येत आहे.
नंदुरबार शहरातील अंधारे रिक्षा आली. स्टँडच्या बाजूला सरदार ट्रान्सपोर्ट सुपर टायर सर्व्हिसची दुकान आहे. काल दि.३ मे रोजी पहाटे २ वाजेच्या सुमारास दुकानाला आग लागल्याचे त्यांना कळाले. त्यांनी तात्काळ पालिकेच्या अग्निशमन बंबाला पाचारण केले. अग्निशमन बंब तात्काळ दाखल झाला. आग मोठ्या प्रमाणावर असल्याने आगीच्या ज्वाळा बाजूच्या काका हाऊस दुकानात देखील पोहोचल्या. घटनास्थळी गर्दी जमा झाली होती. अनेकांनी मिळेल त्या साधनांनी आग विझविण्यासाठी प्रयत्न करण्यात येत होते. पहाटे पाच वाजेपर्यंत आटोक्यात आली.या आगीत दोन्ही दुकानांतील संपूर्ण वस्तू जळून खाक झाल्या आहेत. सरदार ट्रान्सपोर्टमधील मालवाहतूक गाड्यासंदर्भाचे कागदपत्र, आधार कार्ड, पॅन कार्ड, ड्रायव्हिंग लायसन्स मालवाहतुकीचे परवाना, कागदपत्र देवाण-घेवाण केलेल्या हिशोबाच्या वह्या या सर्व जळून खाक झाल्या.सुपर टायर सर्व्हिस दुकानातील दुचाकी, तीनचाकी, चारचाकी वाहनांचे जुने नवीन टायर सोबतच पंचर काढण्याच्या मशिनरी यांचेदेखील नुकसान झाले आहे. दुकानांच्या लागलेल्या आगीत जवळपास नऊ ते दहा लाखांचे नुकसान झाले असल्याचा अंदाज दुकान मालक अमन दीपकसिंग रघुवंशी यांनी सांगितले. आगीच्या घटनेची नोंद करण्याचे काम सुरू होते.
