नंदुरबार l प्रतिनिधी
भादवड येथील नंदुरबार तालुका विधायक समिती संचलित श्री छत्रपती शिवाजी महाराज माध्यमिक विद्यालयातील विद्यार्थिनी राधिका महेंद्र शिंदे हिस सन २०१८-१९ या शैक्षणिक वर्षातील स्काऊट गाईड राज्य पुरस्कार व प्रमाणपत्र महाराष्ट्र राज्याचे महामहीम राज्यपाल भगतसिंह कोश्यारी यांच्या हस्ते स्काऊट गाईड पव्हेलियन दादर, मुंबई येथे प्रदान करण्यात आला. तसेच विद्यालयातील गाईड शिक्षिका श्रीमती चेतना वाघ यांनाही कौटिजेन्ट लिडर म्हणून सन्मानित करण्यात आले. सदर कु.राधिका शिंदेला श्रीमती चेतना वाघ, मुख्याध्यापक जी.एन.परदेशी तसेच शिक्षक-शिक्षकेतर कर्मचार्यांचे मार्गदर्शन लाभले.
स्काऊट गाईड राज्य पुरस्कार प्राप्त कु.राधिका महेंद्र शिंदे व कौटिजेन्ट लिडर श्रीमती चेतना वाघ तसेच विद्यालयातील सर्व कर्मचार्यांचे शिक्षणाधिकारी (प्राथ.) तथा जिल्हा मुख्य आयुक्त एस.एस.चौधरी, शिक्षणाधिकारी (माध्य.) मच्छिंद्र कदम, संस्थेचे चेअरमन चंद्रकांत रघुवंशी, व्हा.चेअरमन मनोज रघुवंशी, नंदुरबार नगरपालिका नगराध्यक्षा तथा जिल्हा आयुक्त गाईड सौ.रत्नाताई रघुवंशी, सरचिटणीस तथा स्काऊट जिल्हा अध्यक्ष यशवंत देवराम पाटील तसेच नंदुरबार तालुका विधायक समितीचे सर्व संचालक, प्राचार्य तथा संस्थेचे कार्यालयीन अधीक्षक, स्काऊट गाईड मुख्यालय आयुक्त पुष्पेंद्र रघुवंशी, गाईड जिल्हा संघटन आयुक्त श्रीमती कविता वाघ यांनी अभिनंदन केले व पुढील वाटचालीस हार्दिक शुभेछा दिल्या. भादवड येथील ग्रामस्थ व परिसरातील सर्व नागरीकांनी शुभेच्छा देवून कौतुक केले.