नंदुरबार l प्रतिनिधी
नंदुरबार येथील तहसील कार्यालयात आज झालेल्या संजय गांधी निराधार अनुदान योजना समितीच्या बैठकीत 614 पैकी 388 मंजूर करण्यात आली तर 62 प्रकरणे नामंजूर करीत 164 प्रकरणांची पूर्तता करण्यात आली.
नंदूरबार तहसील कार्यालयात संजय गांधी निराधार अनुदान योजना समितीची बैठक समितीचे अध्यक्ष देवमन तेजमल पवार यांच्या अध्यक्षतेखाली संपन्न झाली .या बैठकीत तहसिल कार्यालय नंदुरबार कडे महा – ई – सेवा केंद्रामार्फत प्राप्त झालेल्या अर्जाची शासन निर्णयानुसार पडताळणी करण्यात येवून त्यावर निकषानुसार पात्र , अपात्र व पुर्ततेसाठी निर्णय घेण्यात आला. यात संजय गांधी निराधार अनुदान योजना 123 , श्रावणबाळ सेवा राज्य निवृत्ती वेतन योजना 138 , इंदिरा गांधी राष्ट्रीय वृध्दापकाळ निवृत्ती वेतन योजनेना 42 , इंदिरा गांधी राष्ट्रीय विधवा निवृत्ती वेतन योजना 45 तर इंदिरा गांधी राष्ट्रीय विकलांग निवृत्ती वेतन योजनेचे 0 असे एकूण 388 प्रकरणे मंजूर करण्यात आली तर 62 प्रकरणे नामंजूर करीत 164 प्रकरणांची पूर्तता करण्यात आली. या समितीच्या बैठकीत प्रास्ताविक तहसीलदार तथा सदस्य सचिव संगायो समिती भाऊसाहेब थोरात, इकबाल सुलेमान खाटीक, आदी उपस्थित होते .
दरम्यान नंदुरबार अंतर्गत दि.२२ एप्रिल २०२२ रोजी झालेल्या संजय गांधी निराधार अनुदान योजना समितीच्या बैठकीमध्ये ज्या लाभार्थ्यांचे अर्ज विशेष सहाय्य योजनेत मंजूर करण्यात आले आहे अशा लाभार्थ्यांनी आपले अर्जासोबत दिलेले राष्ट्रीयकृत बँकेचे खाते क्रमांक बँकेत जावून आधार लिंक करुन खाते सुरु असल्याची खात्री करून घ्यावी . सदर मंजूर लाभार्थ्यांना शासनाकडून अनुदान प्राप्त झाल्यानंतर नियमानुसार अनुदान वितरीत करण्याची कार्यवाही करण्यात येईल . यासाठी आपणास तहसिल कार्यालयात येण्याची आवश्यकता नाही . याची नोंद घ्यावी असे आवाहन तहसीलदार तथा सदस्य सचिव संगायो समिती भाऊसाहेब थोरात यांनी केले आहे.