नंदुरबार l प्रतिनिधी
येथील श्रॉफ कनिष्ठ महाविद्यालयाचे प्रा.डॉ.दिनेश बबन देवरे यांना मनुष्यबळ विकास विभागाकडून राष्ट्रीय स्तरीय आदर्श शिक्षक पुरस्काराने गौरविण्यात आले.
प्रा.डॉ.देवरे यांना नासिक येथे सहाय्यक पोलीस आयुक्त सुरेश वाडकर यांच्या हस्ते पुरस्कार प्रदान करण्यात आला. प्रा.डॉ.दिनेश देवरे यांना विविध क्षेत्रात राष्ट्रीय, आंतरराष्ट्रीय स्तरावर पुरस्कार मिळाले आहेत. तसेच संशोधन, सामाजिक, शैक्षणिक क्षेत्रात उल्लेखनिय कार्य केल्यामुळे त्यांना सदर पुरस्कार प्रदान करण्यात आला. सार्वजनिक शिक्षण समितीचे अध्यक्ष ऍड.रमणभाई शाह, सचिव डॉ.योगेशभाई देसाई तसेच महाविद्यालयाच्या प्राचार्या सौ.सुषमा शाह आदींनी प्रा.डॉ.देवरे यांचे अभिनंदन केले आहे. त्यांच्या यशाबद्दल सर्वत्र कौतुक होत आहे.
