नंदुरबार l प्रतिनिधी
धडगाव तालुक्यातील रामसल्लाचा महूपाडा येथे अंगणवाडी सेविका पदावर झालेल्या नेमणूकीविरुद्ध तक्रारी अर्ज केल्याच्या कारणावरुन दोघांना मारहाण केल्याप्रकरणी गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, धडगाव तालुक्यातील रामसल्लाचा महुपाडा येथील विष्णू धनजी वसावे यांनी रेल्या ठोग्या वसावे यांच्या पत्नीच्या अंगणवाडी सेविका पदावर झालेल्या नेमणूकीविरुद्ध तक्रारी अर्ज दिला. याचा राग आल्याने विष्णू धनजी वसावे व गुलीबाई फुल्या वसावे यांना शांताराम ठोग्या वसावे व रेल्ये ठोग्या वसावे या दोघांनी दगडाने मारहाण केली. तसेच घराच्या छतावरील कौलांवर दगड फेकून कौल फोडून नुकसान केले. याबाबत विष्णू धनजी वसावे यांच्या फिर्यादीवरुन धडगाव पोलिस दोघांविरोधात भादंवि कलम ३२४, ४२७, ३४ प्रमाणे गुन्हा दाखल करण्यात आला आहे. पुढील तपास पोना.स्वप्निल गोसावी करीत आहेत.
