म्हसावद l प्रतिनिधी
प्राथमिक आरोग्य केंद्र राणीपूर, बायफ संस्था व कांतालक्ष्मी नेत्र रुग्णालय नंदुरबार यांच्या संयुक्त विद्यमाने एएसके फाउंडेशन मुंबईच्या समृद्ध किसान कार्यक्रम मार्फत राणीपूर येथे आरोग्य शिबिर अंतर्गत महिला मेळावा व आरोग्य शिबिर तपासणी आयोजित करण्यात आली.
यात म्हसावद येथील डॉ. श्रीराम पाटील यांनी महिलांना आरोग्य विषयी माहिती व मार्गदर्शन करण्यात आले , महिला घरातील मुख्य घटक असल्याने काळजी घेणे जास्त करुन महिला वर्ग आजारी पडल्यावर अंगावर काढतात, अंगावर काढल्याने आजार वाढत जातो परिणामी खर्च वाढतो. काही वेळेस मनुष्य दगावण्याची शक्यता असते, तरी आजारी पडल्यावर लगेचच दवाखान्यात दाखवणे व लगेचच उपचार करुन घेणे, आरोग्य शिबिरात ४५ क्ष-किरण तपासणी करुन १० व्यक्तीना मोतीबिंदु आढळून आले त्यांना कांतालक्ष्मी नेत्र रुग्णालय नंदुरबार येथे मोफत मोतीबिंदु ऑपरेशन साठी नियोजन करण्यात आले. शिबिरात एकूण २६० महिला व पुरुषांची तपासणी करून औषध उपचार करण्यात आले करण्यात आली. यासाठी प्राथमिक आरोग्य केंद्र डॉ जयदेव ठाकरे, डॉ.श्रीराम पाटील म्हसावद, कांतालक्ष्मी नेत्र रुग्णालय नंदुरबारचे व्यवस्थापन डॉ, खेडकर ,डॉ, गोविंद वैद्य व बायफ संस्थेचे विभागीय प्रमुख लिलेश नाटेश्वर चव्हाण, देवेंद्र पाटील उपस्थित होते.गावाचे सरपंच संतोष भाईदास पावरा,पंचायत समिती सदस्य विजयसिंग पावरा, गावातील सदस्य उपस्थित होते, कार्यक्रमाच्या यशस्वितेसाठी गणेश पाटील, विशाल लिंगे, संजय पावरा ग्रामस्थ यांनी मोलाचे सहकार्य केले.