म्हसावद l प्रतिनिधी
ग्रामविकास संस्थेच्या कला महाविद्यालय बामखेडा वतीने घेण्यात येणारे त-हाडी त.त.येथे राष्ट्रीय सेवा योजनेचे श्रम संस्कार शिबीरास महाविद्यालयाचे प्राचार्य डॉ. एस.पी.पाटील यांच्या अध्यक्षतेखाली सुरवात झाली.
गावातील माजी सैनिक प्रकाश वेडू पाटील यांच्या हस्ते शिबिराचे उद्घाटन करण्यात आले . तसेच या कार्यक्रमासाठी लोकनियुक्त सरपंच जयश्री सुनील धनगर सुनील धनगर, माजी सरपंच सुदाम भलकार, तापी परिसर विद्या प्रसारक संस्थेचे नवनिर्वाचित अध्यक्ष सुभाष भामरे, राष्ट्रीय सेवा योजनेच्या सल्लागार समितीचे सदस्य तुळशीराम भाईदास भामरे , मुख्याध्यापक गणेश पवार, माजी उपसरपंच प्रमोद परदेशी गावातील विविध संस्थांचे पदाधिकारी यांच्या प्रमुख उपस्थितीत या शिबिराला सुरूवात करण्यात आली.यावेळी निवृत्त जवान प्रकाश पाटील यांनी आपल्या देशसेवा कार्यकाळातील प्रसंग विद्यार्थ्यांना सांगितले
प्राचार्य डॉ.एस.पी.पाटील यांनी आजचा विद्यार्थी व युवक संस्कार विसरला आहे.या शिबिराच्या माध्यमातून विद्यार्थ्यांनमध्ये विशेष संस्कार रुजविण्यासाठी या कार्यक्रमाची आवश्यकता असते हे शिबीर सात दिवस राहणार आहे.या शिबिरात प्रत्येक दिवसी दोन वक्ते विद्यार्थ्यांना मार्गदर्शन करणार आहेत. त्यात -” राष्ट्रीय सेवा योजना एक संस्कार शाळा” तसेच “स्वातंत्र्याचा अमृत महोत्सव ग्रामविकासात युवकांची भूमिका भारतीय स्वातंत्र्याची 75 वर्षे . देश सेवा एक कर्तव्य अवयव दान श्रेष्ठ दान एड्स जाणीव.महिला आणि कायदे” या विषयावर बोलणार आहेत .राष्ट्रीय सेवा योजना आणि नेतृत्व . डिजिटल साक्षरता . जय जवान जय किसान एक मंत्र उच्च शिक्षणातील करिअरवाटा ” या विषयावर ते मार्गदर्शन करणार आहेत. या कार्यक्रमाचे प्रास्ताविक राष्ट्रीय सेवा योजनेचे कार्यक्रम अधिकारी प्रा.डॉ.सी.एस.करंके यांनी तर सुत्रसंचलन डॉ. प्रा. बी.एन.गिरासे व आभार प्रा डॉ.वाय.सी गावीत यांनी मानले यावेळी बामखेडा कला महाविद्यालयाचे प्रा. डॉ.कोकीळा पाटील . महेंद्र खोंडे, प्रा.दिलवरसिंग गिरासे, प्रदिप भामरे उपस्थित होते.
