नंदूरबार l प्रतिनिधी
नंदुरबार तालुका विधायक समितीचे शिक्षण शास्त्र महाविद्यालयाचा शिबिर दहिंदुले या दत्तक गावी दि. 19 ते 25 मार्च 2022 या दरम्यान आयोजित केला असून त्याचे उद्घाटन माजी सैनिक राजेंद्र रणछोड तांबोळी यांच्या हस्ते झाले.
कार्यक्रमाच्या अध्यक्षस्थानी नंदुरबार तालुका विधायक समितीचे सरचिटणीस यशवंत देवराम पाटील हे होते.तसेच कार्यक्रमासाठी बीएड महाविद्यालयाचे प्राचार्य डॉ. एम. एस. रघुवंशी, मुख्याध्यापक शिवशंकर विद्यालय दहिंदुले यशवंत शिंदे,प्राध्यापक डॉ. के.एस. चौधरी आदी मान्यवर उपस्थित होते, तसेच कार्यक्रम अधिकारी म्हणून प्राध्यापक डॉ.डी. झेड. चौधरी तर महिला कार्यक्रम अधिकारी म्हणून प्राध्यापक डॉ.व्ही. व्ही.बाविस्कर तसेच शिपाई भुषण पाटील उपस्थित होते. दीप प्रज्वलन करून कार्यक्रमाचे करण्यात आले. उद्घाटन प्रसंगी माजी सैनिक राजेंद्र तांबोळी यांनी कारगिल युद्धातील प्रसंग सांगितला नं.ता.वी. समितीचे प्राचार्य डॉ. एम.एस.रघुवंशी म्हणाले की, उत्कृष्ट ज्ञान कशा प्रकारे तुम्ही ग्रहण करतात आणि त्याचा उपयोग भावी शिक्षक म्हणून तुम्ही कसा करतात यावर भावी पिढीचे भवितव्य अवलंबून आहे.कोठारी आयोगाने म्हटल्याप्रमाणे विद्यार्थ्यांचे भवितव्य हे वर्गावर्गातून घडते आहे. त्यासाठी शिक्षक हा तितकाच तोलामोलाचा असला पाहिजे आणि म्हणून शिक्षकांच्या अंगी विद्यार्थ्यांना समजून घेण्याची क्षमता असली पाहिजे, तरच शिक्षक आणि विद्यार्थी यांच्यातील नाते एका कुटुंबासारखे राहील.अध्यक्षीय भाषणात यशवंत पाटील म्हणाले की, भारत हा तरुणांचा देश आहे आणि तारुण्यही परमेश्वराने दिलेली देणगी आहे.त्यामुळे तुम्ही हे काम मनापासून करायला हवे कारण कामात राम श्रमात जीवन आणि सेवेसारखा कोणताही धर्म नाही. निसर्ग हाच खरा मित्र आहे आणि तुम्ही या देशाचे भवितव्य आहात आणि या देशाला तुमच्यासारख्या तरुणांची गरज आहे त्यामुळे तुम्ही निसर्गाशी मैत्री करा असेही म्हणाले.कार्यक्रमाचे प्रास्ताविक डॉ.डी.झेड.चौधरी यांनी केले.त्यात त्यांनी दिवसभराच्या कार्यक्रमाचे नियोजन विद्यार्थ्यांना सांगितले सूत्रसंचालन विद्यार्थी शिक्षक महेश पाटील यांनी केले तर आभार प्रदर्शन विद्यार्थ्यांनी शिक्षिका स्नेहा अहिरे यांनी केले.
