नंदूरबार l प्रतिनिधी
दारूच्या नशेत डायल ११२ वर खोटी माहिती दिल्याप्रकरणी एकाविरुद्ध म्हसावद पोलिसांत गुन्हा दाखल करण्यात आला आहे.
याबाबत अधिक माहिती अशी की, सुरेश ठकसिंग चौधरी याने १५ मार्च रोजी दारूच्या नशेत डायल ११२ वर संपर्क साधून मदत मागितली; परंतु त्या ठिकाणी पोलीस गेले असता तसे काहीही आढळले नाही. अधिक तपास केला असता चौधरी याने दारूच्या नशेत डायल केल्याचे लक्षात आले. याबाबत पोलीस कर्मचारी प्रल्हाद राठोड यांच्या फिर्यादीवरून सुरेश चौधरी रा. पिंप्राणी, ता. शहादा यांच्या विरुद्ध म्हसावद पोलिसांत गुन्हा दाखल करण्यात आला आहे. याप्रकरणी पुढील तपास जमादार पावरा करीत आहेत.