तळोदा येथे भोई समाज महिला पंच मंडळातर्फे महिला जनजागृती व्याख्यान

तळोदा l प्रतिनिधी
तळोदा तालुका भोई समाज महिला पंच मंडळ यांच्यातर्फे जागतिक महिला दिना निमित्त महिला जनजागृती व प्रबोधन या विषयावर व्याख्यान आयोजित केले होते.
प्रमुख वक्ते म्हणून ॲड. दर्शना पवार यांनी उपस्थित महिलांना संबोधीत केले त्या बोलतांना म्हणाले कि, महिलांनी आपली संस्कृती जपली पाहिजे.महिला सक्षमीकरण हि काळाची गरज असून ह्या विषया कडे गांभीर्याने घेणे गरजेचे आहे. समाजात क्ष्री भ्रूण हत्या थांबली पाहिजे. ह्या विषयावर सामाजिक प्रबोधन होणे गरजेचे आहे.मुलींनी शिक्षणाची कास धरली पाहिजे. अश्या विविध विषयावर मार्गदर्शन केले.
कार्यक्रमात तळोदा भोई समाजातील कमी वयात विधवा झालेल्या आणि जिवनांत संघर्ष करत जिद्द व उमेदीने जगणाऱ्या कर्तृत्ववान, सेवाव्रती माता भगिनींना सन्मानित करून त्यांचा सत्कार करण्यात आला.
या महिला मंडळ च्या अध्यक्षा वेळी बेबीबाई रमण सोनवणे, सरपंच ज्योतीबाई वानखेडे, नगरसेविका शोभाबाई शिवदे, सामाजिक कार्यकर्त्या दर्शना पवार,पुष्पाबाई माळी, नरेंद्र वाडीले,भोई समाज जिल्हाध्यक्ष संतोष वानखेडे, धनलाल शिवदे, महेन्द्र बोरदे, महेन्द्र साठे, गणेश शिवदे, मोहन धाकू मोरे, डॉ. दिपक साटोटे, विनोद वानखेडे, मोनल मोरे, प्रकाश वानखेडे , धाकू मोरे, मोहन मोरे, जगदीश वानखेडे, जालंधर शिवदे, मधुकर रामोळे,पत्रकार राहुल शिवदे आदी उपस्थित होते.कार्यक्रमाचे आयोजन तळोदा तालुका भोई समाज महिला पंच मंडळाचे सर्व महिलांनी घडवून आणला अल्पोपहार व चहापान करून कार्यक्रमाची सांगता करण्यात आली.सुत्रसंचलन विश्वश्री वानखेडे यांनी केले तर आभार मनीषा साठे यांनी मानले.