नंदुरबार l प्रतिनिधी
शहादा तालुक्यातील प्रकाशा-नंदुरबार रस्त्यावर वाहनाने धडक दिल्याने दुचाकीस्वार जागीच ठार झाल्याची घटना घडली.याप्रकरणी शहादा पोलिस ठाण्यात वाहन चालकाविरुद्ध गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, करणनाथ भगवाननाथ सिकारी (वय २६) रा.चिंतामण जि.उज्जैन, मध्यप्रदेश हे दुचाकीने प्रकाशा-नंदुरबार रस्त्याने जात होते. यावेळी एका चारचाकी वाहन चालकाने त्याच्या ताब्यातील वाहन रस्त्याच्या परिस्थितीकडे दुर्लक्ष करुन सर्वोदय विद्यामंदिर शाळेजवळील रस्त्यावर भरधाव वेगात दुचाकीला धडक दिल्याने अपघात घडला. घडलेल्या अपघातात करणनाथ सिकारी यांच्या डोक्यावरुन वाहनाचे टायर चालून गेल्याने ते जागीच ठार झाले. अपघातानंतर वाहन चालक घटनास्थळावरुन पसार झाला. याबाबत भगवाननाथ प्रभूनाथ राठोड यांच्या फिर्यादीवरुन शहादा पोलिस ठाण्यात वाहन चालका विरुद्ध भादंवि कलम ३०४(अ), २७९, ३३७, ३३८, ४२७ सह मोटार वाहन कायदा कलम १३४/१८७ प्रमाणे गुन्हा दाखल करण्यात आला आहे. पुढील तपास पोहेकॉ.रामा वळवी करीत आहे.