तळोदा l प्रतिनिधी
भरधाव वेगाने अज्ञात वाहनाने मोटर सायकलला धडक दिल्याने एक ठार तर एक जखमी झाल्याची घटना अक्कलकुवा मोलगी रस्त्यावर देवमोगरा गावाजवळ घडली.याप्रकरणी अज्ञात वाहन चालकाविरोधात गुन्हा दाखल झाला आहे.
याबाबत पोलीस सूत्रांनी दिलेली माहिती अशी की, कोणीतरी अज्ञात वाहनचालक त्याच्या ताब्यातील वाहन भरधाव वेगाने चालवत रस्त्याची परिस्थितीकडे दुर्लक्ष करून मोटर सायकल ( क्र.एम.एच -39, एस – 3461) हिस धडक दिल्याने मोटर सायकलवरील डोहन्या सोन्या वसावे याचा मरणास व बिज्या पाडवी यांचा गंभीर दुखापत झाली.तसेच मोटर सायकल नुकसानीस कारभुत ठरला म्हणून मोहन्या सोन्या वसावे यांच्या फिर्यादिवरून अक्कलकुवा पोलिसात अज्ञात वाहन चालका विरुद्ध गुन्हा दाखल करण्यात आला असून पुढील तपास पो.ना. अतुल गावित हे करीत आहे.
